Page:Saint-Amant - Œuvres complètes, Livet, 1855, volume 1.djvu/109

Le texte de cette page a été corrigé et est conforme au fac-similé.

Aux yeux mourants de la beste
L’opposant à descouvert.
Aussi tost en cette place
Un certain esprit de glace
Lui gaigne et fixe le corps,
Augmentant ainsi le nombre
Des rochers qui de leur ombre
Couvrent la mer en ces bords.

Toutefois de sa figure
Rien n’est métamorphosé ;
Elle en garde la structure,
Et l’on en est abusé :
Car d’abord le plus habile,
De ce qu’elle est immobile,
S’esbayt plus à la voir
Qu’il ne feroit en soy-mesme
Si, par un miracle extresme,
Il la voyoit se mouvoir.

Lors, comme sur un trophée,
Le vainqueur se met dessus ;
Les regards du bon Cephée
Soudain s’en sont appercus ;
Il en saute d’allegresse.
La reine, à ce signe, addresse
Sa course en haste à l’escueil.
Elle en asseure Andromede ;
Mais l’erreur qui la possède
Luy fait tousjours fermer l’œil.

Encore que de sa mere
Elle entende les accents,
Et que cette voix tempere
L’effroy qui trouble ses sens,
Elle pense estre trompée,
Ou que de Cassiopée