Page:Sagard - Le Grand voyage du pays des Hurons (Avec un dictionnaire de la langue huronne), Librairie Tross, 1865.djvu/63

— 25 —

ment il y en a de certaines espèces qui ne peuuent presque voler, et qu’on peut aysement assommer à coups de bastons, comme auoient faict les matelots d’vn autre nauire, qui auant nous en auoient emply leur chalouppe, et plusieurs tonneaux des œufs 36 qu’ils trouuèrent aux nids ; mais ils y penserent tomber de foiblesse, pour la puanteur extrême des ordures desdicts oyseaux. Ces oyseaux pour la pluspart, ne viuent que de poisson, et bien qu’ils soient de diuerses especes, les vns plus gros, les autres plus petits, ils ne font point pour l’ordinaire, plusieurs trouppes ; ains comme vne nuée espaisse volent ensemblement au dessus de l’Isle, et aux enuirons, et ne s’escartent que pour se’gayer, eslever et se plonger dans la mer : il y auoit plaisir à les voir librement approcher et roder à l’entour de nostre vaisseau, et puis se plonger pour un long temps dans l’eau, cherchant leur proye. Leurs nids sont tellement arrangez dans l’Isle selon leurs especes, qu’il n’y a aucune confusion, mais un bel ordre. Les grands oyseaux sont arrangez plus proches de leurs semblables, et les moins gros ou d’autres especes, auec ceux qui leur conuiennent, et de tous en si grande quantité, qu’à peine le pourroit-on iamais persuader à qui ne l’auroit veu. I’en mangeay d’vn, que les Matelots appellent Guillaume, et ceux du pays Apponath, de plumage blanc et noir, et gros comme vne poule, auec vne 37|| courte queuë et de petites aisles, qui ne cedoit en bonté à aucun gibier que nous ayons. Il y en a d’vne autre espece, plus petits que les autres, et sont appellez Godets. Il y en a aussi d’vne autre sorte, mais plus grands, et blancs, separez des autres en vn canton de l’Isle, et sont tres-diffi-