deuenue puante, à cause du long-temps que nous estions sur mer, et si le cidre ne me sembloit 33|| point bon pendant ces indispositions, et encore moins pouvois-ie vser d’eau de vie, ny sentir le petun ou merluche, et beaucoup d’autres choses, sans me trouuer mal du cœur, qui m’estoit comme empoisonné, et souuent bondissant contre les meilleures viandes et rafraischissemens : estre couché ou appuyé me donnoit quelque allégement, lors principalement que la mer n’estoit point trop haute ; mais lors qu’elle estoit fort enflée, i’estois bercé d’vne merueilleuse façon, tantost couché de costé, tantost les pieds esleuez en haut, puis la teste, et tousiours auec incommodité à l’ordinaire, que si on se portoit bien tout cela ne seroit rien neantmoins, et s’y accoustumeroit-on aussi gayement que les matelots : mais en toutes choses les commencemens sont tousjours difficiles, qui durent quelquesfois fort long-temps sur mer, selon la complexion des personnes, et la force de leurs estomachs.
Quelque temps après auoir passé le Grand-Banc, nous passasmes le Banc-à-Vers, ainsi nommé, à cause qu’aux moluës qu’on y pesche, il s’y trouue des petits boyaux comme vers, qui remuent : et si elles ne sont si bonnes ny si blanches à 34|| mon aduis. Nous passasmes apres tout ioignant le Cap Breton (qui est estimé par la hauteur de 45. degrez 3. quarts de latitude, et 14. degrez 50. minutes de declinaison de l’Aimant) entre ledict Cap Breton et l’Isle Sainct Paul, laquelle Isle est inhabitée, et en partie pleine de rochers, et semble n’auoir pas plus d’vne lieuë de longueur ou enuiron ; mais ledit Cap Breton que
