6|| De nostre commencement, et suite de nostre voyage.
Chapitre II.
ostre Congregation s’estant tenuë à Paris,
i’eus commandement d’accompagner le
Pere Nicolas, vieil Predicateur, pour aller
secourir nos Peres, qui auoient la mission
de la conuersion des peuples de la Nouuelle
France. Nous partismes de Paris auec la benediction
de nostre R. Pere Prouincial, le dix-huictiesme
de Mars mil six cens vingt-quatre, à l’Apostolique, à
pied, et auec l’equipage ordinaire des pauures Peres
Recollets Mineurs de nostre glorieux Pere S. François.
Nous arriuasmes à Dieppe en bonne santé, où le
nauire fretté et prest, n’attendoit que le vent propre
pour faire voile et commencer nostre heureux voyage :
de sorte qu’à grand peine pusmes-nous prendre quelque
repos, qu’il 7|| nous fallut embarquer le mesme
iour de nostre arriuée, de sorte que nous partismes
dés la my nuict auec vn vent assez bon ; mais qui par
sa faueur inconstante nous laissa bien-tost, et fusmes
surpris d’vn vent contraire, ioignant la coste d’Angleterre,
qui causa vn mal de mer fort fascheux à mon
compagnon, qui l’incommoda fort, et le contraignit
de rendre le tribut à la mer, qui est l’vnique remède