volans, nommez Sahoûesquanta, qui ont la couleur cendrée, la teste vn peu grosse, et sont munis d’vne panne qui leur prend des deux costez d’vne patte de derriere à celle de deuant, lesquelles ils estendent quand ils veulent voler ; car ils volent aysement sur les arbres, et de lieu en lieu assez loin, c’est pourquoy ils sont appelés Escureux volans. 306||Les Hurons nous en firent present d’vne nichée de trois qui estoient tres-beaux et dignes d’estre presentez à quelque personne de merite, si nous eussions esté en lieu : mais nous en estions trop esloignez. La seconde espece qu’ils appellent Ohihoin, et nous Suisses, à cause de la beauté et diuersité de leur poil, sont ceux qui sont rayez et barrez depuis le deuant iusques au derriere, d’vne barre ou raye blanche, puis d’vne rousse, grise et noirastre tout à l’entour du corps, ce qui les rend tres-beaux : mais ils mordent comme perdus, s’ils ne sont appriuoysez, ou que l’on ne s’en donne de garde. La troisiesme espece, sont ceux qui sont presque du poil et de la couleur des nostres, qu’ils appellent Aroussen, et n’y a presque autre difference, sinon qu’ils sont plus petits.
Lorsque i’estois cabane auec mes Sauuages dans vne Isle de la mer douce pour la pesche, j’y vis grand nombre de ces meschans animaux guerroyer la nuict et le iour la seicherie du poisson : j’en eus plusieurs de ceux que mes Sauuages tuerent auec la flesche, et en pris vn Suisse dans vn tronc d’arbre tombé, qui s’y estoit caché. Ils ont en plusieurs endroicts des La307||pins et Levraux, qu’ils appellent Queutonmalisia, ils en prennent aucunes-fois
