qu’il n’y ait point d’eau dedans ; mais ils ne peuuent aussi souffrir long-temps d’humidité et l’eau froide, qu’ils ne s’attendrissent et cassent au moindre heurt qu’on leur donne, autrement ils durent fort ||143 long-temps. Les Sauuagesses les font, prenant de la terre propre, laquelle ils nettoyent et pestrissent tres-bien, y meslans parmi un peu de graiz, puis la masse estant reduite comme une boule, elles y font un trou auec le poing, qu’ils agrandissent tousiours, en frappant par dedans auec une petite palette de bois, tant et si long temps qu’il est necessaire pour les parfaire : ces pots sont faits sans pieds et sans ances, et tous ronds comme vne boule, excepté la gueule qui sort vn peu en dehors.
Chapitre IX.
e grand Philosophe Platon cognoissant le
dommage que le vin apporte à l’homme,
disoit qu’en partie les dieux l’auoient enuoyé
çà-bas pour faire punition des hommes,
et prendre vengeance de leurs offences, les faisans
(après qu’ils sont yures) tuer et occire l’vn
l’autre.
||144 Quand quelqu’vn de nos Hurons veut faire festin à ses amys, il les enuoye inuiter de bonne heure, comme l’on faict icy ; mais personne ne s’excuse entr’eux, et tel sort d’vn festin, qui du mesme pas s’en
