Chapitre VI.
ais, pour parler en general du pays des
Hurons, de sa situation, des mœurs de
ses habitants, et de leurs principales ceremonies
et façons de faire, disons premierement,
qu’il est situé sous la hauteur de quarante-quatre
degrez et demy de latitude, et deux
cens trente lieues de longitude à l’Occident, et dix
de latitude ; pays fort deserté, beau et agreable, et
trauersé de ruisseaux qui se desgorgent dedans le
grand lac. On n’y voit point vne face hydeuse de
grands rochers et montagnes steriles, comme on voit
en beaucoup d’autres endroicts és contrées Canadiennes
et Algoumequines.
Le pays est plein de belles collines, campagnes, et de tres-belles et grandes prairies, qui portent quantité de bon foin, ||114 qui ne sert qu’à y mettre le feu par plaisir, quand il est sec : et en plusieurs endroicts il y a quantité de froment sauuage, qui a l’espic comme seigle, et le grain comme de l’auoine : i’y fust trompé, pensant au commencement que i’en vis, que ce fussent champs qui eussent esté ensemencez de bon grain : ie fus de mesme trompé aux pois sauuages, où il y en a en diuers endroicts aussi espais, comme s’ils y auoient esté semez et cultiuez : et pour monstrer la bonté de la terre, vn Sauuage de Toënchen ayant planté vn peu de pois qu’il auoit appor-