Se Diex de ces biens me reparte,
N’est si grant cors qui ne départe :
La bonne gent c’est départie ;
Chascuns s’en va vers sa partie.
Li ménestreil trestuit huezei[1]
S’en vinrent droit à l’espouzei.
N’uns n’i fu de parleir laniers[2] :
« Doneiz-nos maîtres ou deniers,
Font-il, qu’il est drois et raisons ;
S’ira chascuns en sa maison. »
Que vos iroie-je dizant,
Ne me paroles esloignant ?
Chascun ot maître, nès Challoz[3]
Qui n’estoit pas mult biauz valloz.
Challoz ot à maître celui
Qui li lièvres fist teil anui.
Ces lettres li furent escrites,
Bien saellées et bien dites ;
Ne cuidiez pas que je vos boiz.
Challoz en est venuz au bois,
A Guillaume ces lettres baille ;
Guillaume les resut cens faille,
Guillaumes les commance à lire,
Guillaumes li a pris à dire :
« Challot, Charlot, biauz dolz amis,
Vos estes ci à moi tramis
Des noces mon couzin germain ;
Page:Rutebeuf - Oeuvres complètes, recueillies par Jubinal, tome I, 1839.djvu/324
Cette page a été validée par deux contributeurs.
292
DE CHARLOT LE JUIF.
