| A. D. 1275. | Anno tertio Edwardi I. | C. 34–36 | 53 |
Cotton MS.
cementz, sil ne soit especialment prie & trequis de ceo faire de touz les seutours, & les attournes des seutours, qi y serront ale journe ; & si nul le face, le Roi se prendre greyousement, & a viscount, & a luy,
Urceo qe plusours aunt sovent trove en counte
controveures, dont discorde ou manere de discord
ad ad este sovent entre le Roi & son people,
ou ascuns hautes hommes de son roialme; est defendu
pur le damage qe ad este, & unqore en purreit
avenir, que dsfore en avant nul ne soit si hardy de
dire, ne de counter nul faux novel, ou controveure,
dount nul descorde, ou manere de discord, ou desclandre,
puisse surdre entre. le Roi & son poeple,
ou les hautes hommes de son roialme; & qi le fra,
soit pris & detenuz en prisone, jesqes a taunt qil eit
trove en Court celuy, dount le poeple [la parole]
serra move.
ES hautes hommes, & lour Baillifs, & des
autres, horspris les Ministres le Roi a qi especiale
auctorite est done de ceo faire, qi a la pleinte
des ascuns, ou per lour auctorite demesne, attachent
autres ou lour biens trespassantz, per lour
poair, a respoundre devant eux de contractz, covenantz,
& de trespas fait hors de lour poair & lour
jurisdiction, la ou ils ne tenent rien deux, ne dedeinz
la fraunchise eu lour poair est, en prejudice
del Roi & de la Corone, & al damage del poeple;
purveu est, qe nul desoremes ne le face; & si ascun
le fait, il rendra a celui, qi per cele acheson
serra attache, son damage a double, & serra en le
greve mercye le Roi.
Urceo qe avant ces heures ne fuist unques revable[1] eide a faire fitz eigne Chivaler, ou a file marier,
mise au certein, ne quant ele devoit estre prise, ne quele houre, per quei les uns leverent outrageouse
eide, & pluis tost qe ne fembleit mistre, dont le poeple se sent greve; purveu est, qe deforemes de fee de
Chivaler enter soulement soient donnez xx. s. & de xx. livers [hidez] de terre tenue per socage, xx. s. &
de pluis, pluis; & de meins, meins, selonc lafferant: & qe nul ne puisse lever tiel eide afaire son fitz chivaler,
tant come son fitz foit dage de xv. annz, ne sa file marier, tant come ele soit de vii. annz; & de ceo
serra fait mention en brief le Roi fourme sur ceo quant lem voet demaunder; & sil avint qe le pier, quaunt
il avera leve tiel eide de ses tenantz, moerge avaunt qil eit sa fille marie, les executours le pier soient tenuz a
la file, en taunt come le pier avera resceu pur cest eide; & si les biens le pier ne suffifent, son heir soit de ceo
tenu a la fille.
- ↑ Reasonable, 2 Inst
