46 C. 16. Anno tertio Edwardi I. A.D. 1275.
fors pris ceux qestoient pris pur mort de homme, ou per comaundement le Roi, ou de ses justices, ou per la foreste: Purveu est, & comaunde per le Roi, qe les prisons qi sont avant utlagez, & ceux qi eient forjure la terre, provurs, ceux qi sont pris ove mainoevre, ceux qi ount depesche la prisone le Roi, larons apertement escriez & notoires, & ceux qe sont appellez de provurs taunt come le provur vist, & sils ne soient de bone fame, & ceux qi sont pris pur arsoun felonusement fait, bu pur faux monoye, ou fausours du seal le Roi, ou escomegne pris per priere Levesque, ou per aperte malvete, ou treson qe touche le Roi mesmes, ne soient en nul manere replevisables per le comune brief, ne sanz brief: mes ceux qi sount enditez de larcine per enquestes des Viscontes ou de Bailiffs prises de lour offices, ou per leger suspecion, ou per petit larcine, qe ne amente outre la value de xii. deniers, si ne soit rette de autre larcine avant celle heure, ou rette de recettement des felouns, ou de comandement, ou de la force, ou del eide de felonie fait; ou rette dautre trespas pur la quele homme ne doit perdre vie, ne membre; Et homme appele de provour puis la mort [le] provour, sils [ne] soient aperte larons escriez, soient deforemes lessez pur suffisant plevin, dont le Viscount voile respotundre, & ceo saunz rein doner de lour. Et si Viscountes, ou autres, lessent per plevin nul qe ne soit replevisable, si cest Viscounte, Conestable, ou autre Baillif de fee & qe eit garde des prisons, & de ceo soit atteint, perde la fee & la bailie a touz jours; & si souz-viscounte, Conestable, ou Baillif, celui qui a tiel fee pur garder les prisons, eit ceo fait saunz la volunte son segnur, ou autre baillif qe ne soit de fee, eit la prifsne de trois anns, & soit reint a la volunte le Roi. Et si nul deteigne les prisons replevisable, puis qe le prison eit offert suffisaunte seurete, il serra en la greve mercye le Roi; & fil preigne lower pur la deliverer, il rendra le double al prison, & ensement serra en la greve mercye le Roi.
CAP. XVI. <!-None shall distrain one of his Fee, not drive the Distrefs out of the County.-->
EN droit de ceo qe ascuns gentz pernent, & prendre sount les averes des autres, & les chacent hors del Countee ou les averes font pris; purveu est qe nul deforemes ne le face; & si nul le fait, soit reint grevement felonc ceo-qe est contenuz en les dits estatutz de Marleberge, faite al temps le Roi Henry, pier le Roi qoer est : & per mesme la manere soit fait de ceux qui pernent les averes, St qe sont destresse en autre fee, & pluis grevement soient puniz, felonc ceo qe le trespas demaunde.
