44 | C. 10, 11. | Anno tertio Edwardi I. | A. D. 1275. |
ment & al ſomons des viſcountes, & al crye del pais, de ſuire & daseter les felons, quant mieſter ſerra, auxibien dedeins fraunchiſes, come dehors; & ceux qe ceo ne ferront, & de ceo ſoient atteintz, le Roi prendra a eux grevement : & ſi la defaut ſoit trove sur le ſeignur de la fraunchiſe, le Roi ſe prendra a mſsme la fraunchiſe; & si le defaut ſoit en le Baillif, est la priſone dun an, & puis ſoit grevement reint; & ſil nad de quei, eit la priſone de deux ans. Et ſi Viscontes, Coroners, ou autres Baillifs dedeinz fraunchiſe ou dehors per lower, ou per prier, ou per nul manere de affinite, concelent, ou conſentent, ou procurent de conceler les felonies faites en lour baillies, ou qils ſe ſeignent dattacher ou dareſter les mesſeſantz per la ou ils purront, ou autrement ſe ſeignent de faire lour office en nul manere en favoure de mesſeſantz, & de ceo ſoient atteintz; qils eient la priſone dun an, & puis ſoient grevement reintz; & ſils nount de quoi eſtre reintz, eient la priſone de iii ans.
CAP. X.
T purceo qe petitz gentz & meins ſages ſont
eſlus ja de novel comunalment al office del Coroner,
& meſtier ſerreit qe prodes hommes lealx &
ſages se entremeiſſent de cel office; purveu, qe par
toutes les Countes ſoint eſlus suffiſauntz Coroners
de pluis lealx & pluis sages Chivalers, qe mieux
ſachent, voillent, & puiſſent, a celle office entendre,
& qe leaknent attachent & repreſentent
lour plees de la corone; & qe les Viſcountes eient
contre roules ove les Coroners, auxibien des appeaux
come des enqueſtes de attachementz, & des
autres choſes, qe a celle office appendent. Et qe
nul Coroner rien ne demaunde ne preigne de nully
de faire son Office, ſur peine de la greve forfaiture
le Roi.
CAP. XI.
T purce qe pluſours rettes de morte de homme,
& qe ſont coupables de morte de homme,
ſont per favorables enqueſtes priſes per Viſcountes,
& per brief le Roi, qe eſt appelle odio & atia, repleviz
jeſqes a la venu de Justices; purveu est, qe
celes enqueſtes ſoient prises deforemes per prodes
hommes eſluz per ſerement, dount les ii ſerrount
chivalers a meins, qe per nulle affinite ne touchent
les priſons, nautrement ne ſoient ſuſpecionouses.