ES ſont les eſtabliſſementz le Roi Edward,
fitz le Roi Henry, faitz a Weſtm' a ſon
prim' parlement general apres ſon coronement,
lendimaine de la Clauſe de Park', lan de
ſon regne tierce, par ſon counſeil, & par laſſentement
des Erceveſques, Eveſques, Abbes, Priours,
Countes, Barons, & la comminalte de la
terre illeoqes ſomons. Pur ceo qe noſtre Seignur
le Roi ad graunt volunte & deſir de leſtate de ſon
roialme adreſcer en les choſes, ou miſter eſt de
amendement, & ce pur le commune profit de
ſeinte egliſe, & del roialme; & pur ce qe leſtat de ſon
roialme & de ſeinte eglife ad eſte malmenez
[malmeſne] & les Prelates & les religious de la
terre grevez en moltz de maneres, & le poeple
autrement trete qeſtre ne deuſt, & la pees meins
gardez, & les leies meſuſez, & les mesfeſantz
mieins puniz qeſtre ne deuſſent, pur quoi les gentz
douterent meins a meſfaire; Si ad le Roi ordene
& eſtablie les choſes ſouzeſcriptz, qe il entend’ qe
ſoient profitables & convenables a tout le Roialme.
CAP.I
N primes voet le Roi & comaunde, qe la pees
de feinte egliſe, & de la terre, ſoit bien garde
& maintenu en toutes pointes, & comune droiture
ſoit fait, auxibien as poverez, come as riches,
ſanz regard de nully. Puree qe les abbeys & maiſons
de religion ount eſte ſurchargez, & grevez
malement per la venu des grandez gentz & autres,
qe bien ſufficent a eux meſmes, per quel les religious
ſont ſi abeiſſez & empoverez, qils ne pont
ſuſtener eux meſmes, ne charite qils ſoleient faire:
Purveu eſt qe nul ne viegne manger, ne herberger,
ne giſer en meſon de religion dautre avoueſon
qe de la ſue, al coſt de la meſon, ſil ne ſoit prie &
requis eſpecialment per le governour de la meaſon,
avaunt qil y viegne; & qe nul a ſes coſtages demeſne
y entre, ne y viegne a giſer encountre la,
volunte de ceux de la meſon: & per ceſt eſtatut
ne entende pas le Roi, qe grace de hoſpitalite ſoit
ſuſtret as buſoignouſes, ne qe les avoues des maiſons
les puſſient per lour venues ſurchger ou
