Et le gardein de la Garderobe le Rol rende acompt de an en an al Eſcheqer a le ſeint Margarete; Et le Treſorer & les Barouns de Leſcheqer ſoient chargez per ſerement, qils nentendrount doier les plees des quereles de nullui, taunt come ils eient affaire des buſoignes le Roi, ſi ce neſt querele qe touche la dette le Roi meſmes. Et quaunt Viſcount ou Bailif eit comence de acompter, nul autre ne ſeit reſceu de aconter tanque le primer qe ſoit aſſis eit peraccompte, & qe la ſomme ſoit reſceu. Et qe le Coneſtable, & le Mareſchal, & les mareſchalx, & les Chamberleyns, & les autres, qi ſont de fee al Eſcheqer, deſoremes perſentent au Roi meſmes ceux qils metterount en lour lieux affaire lour office de lieux: & celes gents ſoient de bone fame, & qils foient ſuffiſeantz, & tieux pur qi fates ils voillent reſpoundre.
Et le Roi enjoint al Treſorer & as Barouns, en la foi qils lui deivent, & le ſerment qils fount, qils ne mettent autres deputes depar eux qe ceux qi ſount reſceux. Et qe Leſcheqer ne ſoit charge de pluis de gentz qe mieſtre eſt. Et qe nul de laviz jure le Roi mette homme pur lui, ne clerc, ne lay, qil ne ſoit jure de laviz, & ceo ſaunz eſpeciale conge le Treſorer. Et ſi null' le face, ſoit maintenaunt remue de ſon office, & null' autre ne ſoit reſceu en ſon lieu ſaunz le Roi. Et ſi celui qi ſerra mys, & celui qi lavera mys, ſoit puny, ſelonc le treſpas. Et ſi ambedeux ne ſuffiſent, ſoient puniz oveſque le ſeignour [ſovereigne,] quel qil ſoit de fee, ou de autre en ſon lieu, tanqe le Roi eit autre choſe ordene. Et ſi celui qi avera tenu le lieu dautre per conge le Treſorer, face choſe qil ne deyve [doit faire,] ſoit puny ſelonc le treſpas, ſil ad de quoi; & ſil nad de quoi, celui qi lavera mys reſpoigne de ſon treſpas Et ſi celui ne ſuffice, reſpoigne celui qi le avera mys en loffice, le quel qil ſoir, de fee ou dautre. Et touz ceux de laviz facent le ſerement, qe ſi null puis perceiver qe autre face deſleaute, ou malveiſte, ou autre choſe, face aſſavoir au Treſorer & as Barouns, ou aſcun de ceux, qi le face amendre, & ſi mieſtre ſoit, facent ſavoir au Roi. Et qe entour la feſte de ſeinte Margarete, avaunt qe Leſcheqer ſoit clos, ſace cheſcun an bien ſerchier & veer, ſi Viſcount, ou autre Baillif, qi deuſt avoir acompt eel an, neit acompte, [1] ſon acompt ſoit primerement oy apres le ſeint Michel, avaunt ceo qe nul autre Viſcounte ſoit reſceu dacompter. Et ſi ceo ſoit autre Baillif, ſoit maunde, ou deſtreint, qil viegne a certein jour dacompter, iſſint qe nul acompt ſoit ſuffiert dendormer. Et purceo qe les Coneſtables, Viſcountes, & autres [ballllfs] ount meintefoitz eu outrageous allowances per faux teſtmoignance des overeignes le Roi, & des autres choſes purveus per ſes comaundernentz, purveu eſt, qe touz les veours des overeignes le Roi ſoient eſluz per ſerement des prodes hommes, & titux qi mieux ſachent, voillent & puiſſent a cel office entendre, & qe ſeient ſuffizans
- ↑ The original here seems imperfect
