| 26 | Stat. 5. | Anno quinqoesimo primo Henrici III. | A. D. 1266. |
en an a la xv. de Pasqe; & les Baillifs des Isles lendemayn de la cluse de Pasqe. Et que touz les Viscountes Dengleterre, horspris le viscounte de Westmerl', Lane. Wircestr', Roteland', & Cornewaill', deforemes gardent les gardes & les eschetes, qe ne sount en fee, qappendent au Roi dedeinz lour Countees; & des issues loialment resspoignent al Esscheqer as termes avauntdites; & as termes [lour tournes] qils frount per lour Countees, de lour offices, & des autres choſes, qe les Eschetours soleient faire, & qappent al [1] escheterie un foitz ou deux, au meindre meschief saunz grevance del poeple, qils purrount. Et les eschetes qe cherrount au roi a demurrier en fee, les Viscountes les seisent, & les facent savoir au Roi saunz delaie.
Et le Roi attournera trois prodes hommes, qi irrount per tote la terre, pur [2] pursourver & estendre les gardes & les eschetes avauntdites, de an en an, quaunt ils verrount qe bon foit. Et les Viscountes per counseil de eux proverount per mettre a ferme, & en autre manere, tiels gardes & eschetes en la manere qils verrount, qe mieux ſoit al pru le Roi.
Et en les cynk Countees avauntnomes, voet le Roi, qe le Viscounte de Cumberl' face loffice descheterie en les Countees de Westmerl' & Lanc. & celui de Not' en Rotel'; & celui de Lancaſter [de Gloucestre] en Wircestre; & celui de Devenshire en Cornewaill, & souvement gardent les eschetes [& les gardes'] au Roi, & de mesmes les Countees, & reſpoignent des issues al Escheqer, si come ils deivent feire de lour Countees. Et les trois prodes hommes avauntditz surverount & estenderount tiels gardes & eschetes, sicome aillours, & per le counseil deux soient appruez. Et quaunt les Viscountes acompterount de lour acomptz, si accompterount des gardes & des eschetes. Et per mesme la manere face le Justice de Cestre, & les Baillifs des Isles, chescun en sa baillie. Et les prodes hommes avauntdites garderount les demeignes le Roi, & les emprowerount selonc ceo qils verront qe mieux soit al oeps le Roi, & responderount al Escheqer des issues: Et mesmes ceux averount poer de bailler petitz maneres en meins a les gentz des mesmes les villes [lieux] ou as autre, selonc lour discrecion, a fermes certeins de an en an, per la ou ils verrount qe soit apru le Roi. Et yoeux fermers respounderount des issues a ceux avauntditz principals approvers, & [ſoient] eux al Escheqer lendemain del Ascension, de an en an.
Et qe les [principales] Coillours de la custume des leins paient, a les deux termes avantditz, touz les deniers, qils averont pris [coillez] & resceu de lavauntdit custume, & dan en an rendent acompt apertement & distinctement de touz les parcels resceux per toutes les portes, & per toute la terre, issint qil respoigne de chescun neef, ou ele serra charge, & come bien ele portera de la leine, & dautre aver charge en la nief, de custume qest due, & de toute la resceite.
