| 620 | C. 1. | Anno vicefimo octavo Henrici VI. | A D. 1 449. |
L honour de Dieu & de seint eglise & pur les commune bien & profit de tout le Roialme d’Engleterre Nostre Seignur le Roy Henry puis le conqueste sisme del advis & assent des Seignurs espirituelx & temporelx & a les especialx instance & request des Communes assemblez au son parlement tenuz a Westm’le sisme jour de Novemb’lan de son reigne xxviijme par lauctorite de mesme le parlement ad ordeignez & establiez certeins estatutz & ordenaunces par manere qe ensuit.
EXP ; 4 Ed. 4. c. 5.
rimerement qe come a son parlement tenuz a Westm’lan de son reigne xxvijme pur cause de certein &. ordenaunce eue proclamee publice & estroitement gardee en les parties de Braband Holand & Zeland qe null manere de draps de lain fait en c’est Roialme d’Engleterre ne viendroit en les ditz parties illeoqes estre vendues acunement sur peine de forfaiture de mesme le draps pur quoy nostre dit soveraigne Seignur le Roy pur cause qil fuist expressement encountreles trieues & appointement faitz & pris entre ses Roialmes terres & suogresses d’une party & les terres queux le Duke de Burgoyne tient & occupie en lautre partie plusours foitz devaunt c’est temps faisoit escripre ses lettres requisitories & envoia ses messages pur due reformation pur avoir este eue en c’est partie dount uncore null due redresse est eue a tresintollerable damage de toutz les. communes de c’est Roialme pur cause qe plusours faisours de draps cestassavoir hommes tisserans foullons & tincturiers et femmes pingneresses cardoresses & fileresses & autres achatours & vendours dicell tielx qi ne sectent nulls autres occupations de verxaie nécessite font constraintz pur leur vivre a faire les occupations et tielx deux qi ne sectent null autres occupations devienent come udise poeple le quell les provêque a pecchie & mavais vie et sur c’est consideration en le dit parlement le dit an xxvijc estoit ordeignez qe si ensi nestoit qe due continuell reformation feusset sait en les ditz parties de Brabant Holand & Zeland de la dite ordenaunce entre c’est temps et le fest de Seint Michess donqes proschein ensuant Ainsi qe tout maner de draps de lain fait en c’est Roialme peusset venir & estre accepte en les mesmes parties de Brabant Holand & Zeland la estre uttrees & venduz auxi franchement come ascunes autres merchandises qe lors pur desaute de tiell reformation en c’est partie null manere dez merchaundises ne biens del croissance ne overaigne dez terres & parties les queux le dit Due tient & occupie ne viendroit en le dit Roialme puis le dit fest sur peine de forfaiture de les merchaundises cestassavoir lune moite de ceo au Roy & lautre moite de ceo a cessuy qi primerernent seiseroit les ditz merchandises en quelxconqes mains qe ils serroient troveez etqe sur ceo évén proclamation société fait entre c’est temps & le quinzisme jour de Juill adonqes proschein ensuant dedeins la Citee de Loundres & autres lieux nécessaires & convenientez a ceo. Et si ascune suyte société commence apres c’est temps eue par cause de ascune tiel seisyn en quell ascune issue concernant c’est ordinance serroiet prise qe le dite issue serroiet trie en le countee ou la dite seisyn serroiet eue & en null autre lieu le quell ordenaunce lendureroit jusqes a proschein parlement.. Et pur ceo qe par la sommonce & commencement du c’est présent. parlement la dite ordenaunce soit pleinement expiree & determinee null due reformation del partie du dit Due de les promesses enquore eue. Nostre dit Seignur le Roy conuderant les promesses del advis & assent & lauclorite desuifditz ad ordeine & establie qe évén proclamation soit fait en la Citee de Loundres & autres lieux nécessaires & convenientez a ceo entre ceo & le fest de Seint Peer lad vincle prochein venaunt qe si ainsi soit qe due continuell reformation ne soit fait & eue en les ditz parties de Brabant Holand H Zeland entre ceo & le fest de Seint Michess donqes proschein ensuant Ainsi qe tout maner de draps de laine fait en c’est Roialme poet venir & estre acceptee en les mefmes parties du Brabant Holand & Zeeland la estre uttrees & venduz auxi franchement come ascuns autres merchaundises qe lors pur defaute de tiel reformation en c’est partie null manere des merchaundises ne biens del croissance ne overaigne des terres & parties queux le dit Due tient & occupie viendront en c’est Roialme apres le dit fest de Seint Michess sur peine de forfaiture de les merchaundises cestassavoir lune moite de ceo au Roy & lautre moite de ceo a cessuy qi primerement seisera les ditz merchaundises en quelxconqes mains qils soient trouves et si ascune suyte soit commence en apres pur cause dascune tiel seisine en quell ascune issue concernant c’est ordenance serra prise qe le dit issue soit trie en le countee ou la dite seisine est eue & en null autre lieu et qe c’est ordenaunce endurera pur sept ans si due reformation ne soit fait dedeins c’est temps.
