tote ta communaute de la terre qe mes pur nule buſoigne tieu manere des aides miſes ne priſes de noſtre Roiaume ne prendroms fors qe par commun aſſent de twt le Roiaume e a commun profit de meiſme le Roiaume ſauve les auncienes aides e priſes dues e cuſtumees.
A Releaſe of Toll taken by the King for Wooll; and a Grant that he will not take the like without common Conſent and good Will.
Pur ceo qe tut le plus de la communaute del
Roiaume ſe ſentent durement grevez de la
male toute des leines ceſt aſavoir de cheſcun ſak de
leine quarante ſoudz e nous ont prie que nous les
vouſiſſoms releſſer nous a leur priere les avoms
pleinement releſſe e avoms grante qe cele ne autre
mes ne prendroms ſanz lour commun aſſent e leur
bone volunte ſauve a nous e a nos heirs la cuſtume
des leines peaus e quirs avaunt grantez par la communaute
du Roiaume avauntdit. En teſmoignance
de queux chofes nous avoms fait faire ceſtes nos
lettres overtes. Teſmoigne Edward noſtre fitz
a Londres le diſme jour de Octobr’ Ian de noſtre
regne vintiſme quynt[1] .
- ↑ The following Memorandum is found upon the roll, viz. E ſet a remember qe meſme ceſte charte ſuth meiſmes les paroles de mot en mot fuſt ſele en Flanders de ſuth le grant ſeal le rey ceſt aſaver a Gaunt le quint jour de Novembr’ lan del regne layndit noſtre ſeignur le rey vintiſme quint e envee en Engleterre
N noun du Pere & del Fitz & du Seint Eſperit Amen. Cum noſtre Seignur le Rei al honur de Dieu
& al commun profiſt de ſon Realme ad grante pur li & pur ſes heirs a tenir en ſon Reaume a tuz
jours les choſes ſuthdites Robert Erceveſk de Canturb. Primat de tut Engleterre amoneſtoms une
foiz. ii. foiz. & la tierce foiz. pur ceo kele breſte du temps plus long delai ne ſuffre, touz ceus de Reaume
de Engleterre & cheſcun de eus de quel eſtat ou de quel condition il ſeient ke touz & cheſcun de eus tant cum
en eus eſt ceſtes choſes grantees per noſtre Seignur le Rei avantdit tiegnent & meintenent entierement en touz
lour points E ke eus ne nul de eus encontrevenent ne enſreinent en mil point ne en nul temps procurent
ou conſeilerunt ou en nule manere aſſenteront de encontravener de fet ou de dit apertement ou covertement
per nule manere de colour. Nous avantdit Robert Erceveſk de Canturbur. per noſtre autorite en ceſt eſcrift
eſcomengeoms & del corps Noftre Seignur Jeſu Chriſt & de tote la compaynie de Giel & de touz les ſacramentz
de Seintz Eſgliſe defeverurns. Fiat Fiat. Amen.