| 128 | Stat. 4. Anno viceſimo Edwardi I. | A. D. 1292. |
Unqore qil defendu de par le Roi qe nul apporte deniers en ceo pais ſi ceo ne ſoit pur ſes deſpences ne ſoit ſi hardy de ariver en Engleterre ſi force de tournement ne lui chace per bone teſtmoignance forſpris a Dovorr’ & a Sandewyz a Loundres & a ſeint Botolf a Southampton & as autres de cynic portes quant il vendra as aſcuns de ceux lieux qil bien & loialment monſtre ſes deniers a celui qi ſerra aſſigne depar le Roi ſanz nul concelement ſur forfaiture du corps & des averes.
Et qi dilloeqes ne apporte ne alloigne le av’ per lui ne per autre jeſqes a taunt qe la monoye ſoit vewe & examine per celui qe le Roi aſſignera.
Derechief qil ſoit crie & defendu depar le Roi ſur forfaiture du corps & de avoir qe nulle homme ſoit ſi hardy de mettre nulle monoye entre draps & fardeux hen hales ou en aſcune manere dount ſuſpecion puiſſe eſtre de nul concelement Et ſi null tiel ſoit trove celui qe lui trovera eit quatre deniers de la livre & tout le remenaunt ſoit au Roi.
Unqore qil ſoit crie & comaunde per le Roi qi qe trove denier feru dautri coigne qe del coigne le Roi Dengleterre ou Deſcoce ou Dirland ou denier retoundu qe il le perde Et qe null’ ne ſoit ſi hardy de countredire le ſure forfaiture & ceo qil trovera faux qil ſoit deſpeſce ſaunz rendre Et le corps celui en qi main le faux denier ou retoundu appiert trove ſoit pris & reſceu jeſqes a taunt qil eit trove ſon garaunt ſi tiel ſoit homme ſuſpecionous.
Et purceo qe nuls des gentz poures ou riches ne ſavent conuſtre les legier deniers & les retounduz ſi eſt ordene que qui deforemes devera reſceiv’ ou deliverer deniers les reſceive ou livre per pois de v. s. enamunt & de v. s. enavale per toumbrell livere per gardein del eichaunge merche del merche le Roi ſicome ſount les meſures.
Et bien liſt a cheſcun de percer le denier qe de riens paſſera le Toumbrell’ & le denier dautre coigne qe del coigne le Roi Dengleterre Dirland’ & Deſcoce les pois ſerrount auxibien liverez & merchez per le gardein del chaunge come le Toumbrell’.
De veours & gardours de la monoie qe vendra de la outre quant qil avera regarde al oiel il poiſera & ſil trove de novelx deniers qe la livre ne poiſe mye xx. s. per noumbre de quatre deniers donqes regarde il per le Toumbrell’ la ou le defaute ſerra Et ſil ſoit devers deniers qe molt ſount uſez ſi toſt entrerent la liv’ xx. s. & al meins ſoient liverez a celui qe les avera porte ſaunz countredit mes ſi pluis y entrant face auxi de ceux come des autres & le gardour avantdit ſi preigne bone garde qii ne preigne doun ou louer pur faire nulle manere de deſport ne extortion ne face noundue auxint come ils voillent ſauver ſoi & ſes biens.
ES ſount les articles qe ſount dela meer & de cea a graunt damage noſtre Signur le Roi & ſon
poeple & a graunt corrupcion de ſa monoye Danleterre.
Primerement homme fait la outre une manere de monoie dargent ove une mitre les xx s. de la quele monoie ne poiſe meſque xvi s. iiij. d. Dengleterre.
Derechief lem fait autres deux maneres de monoie ove liouns dount il y ad bendes en la une monoie & en lautre nient me qils ſount auxi legiers come la monoie de mytre.
Unqore lem fait auixbien de cea come de la une manere de faux monoie qe eſt pure dequiver & est blaunche & quant ele eſt novele ele reſemble la monoye Daengleterre.
