| 124 | Stat. 3. | Anno decimo octavo Edwardi I. |
puiſſent monſtrer per bone enqueſte bien ſe joient de cele poſſeſſion. Et ſi celle poſſeſſion ſoit demaunde per raiſon noſtre Seign’ le Roi le confermera per title Et ceux qi ount veuz chartres des fraunchiſes ſerrount les chartres ajuggez ſelonc la tenure & la fourme de meſmes celes chartres. Et ceux qi ount perdu lour fraunchiſes puis le Paſqe darrein & per lavantdit brief en la fourme avant uſe en plee del avantdit brief eient reſtitucion de lour fraunchiſes perduz & derechief pledent ſelonc la nature de la preſente conſtitucion.
UANT le brief original ſoit lieu en preſence
des parties devant Juſtices Donqes
dirra un countour iſſint Sire Juſtice conge
daccorder Le Juſtice luy dirra Que durra Sire Robt
& nomera un dles parties dount quant ils ſerrount
une gent de la fomme de la peccune qeſt done au
Roi donqes dirra la Juſtice criez la pees & puis
dirra le countour iſſint Qe la pees eſt ycele a voz
congez qe William & Alice ſa femme qe cy ſount
reconiſſent le manoir de B. ove les appertenantz
contenuz en le brief eſtre droit de R. come cel qil
ad de le doun a aver & tenir a luy & ſes heirs de
William & Alice & a les heirs Alice come en demeigne
rentes ſeigneries countes plees purchaces
gardes mariages reliefs eſchetes molours Avoeſouns
degliſes & toute auters fraunchiſes & fraunks cuſtumes
a lavantdit manoir appertenauntz rendant
per an a Robt & A ſes heirs a chief ſeignerages de
fee ſervices dues & cuſtumee pur touts ſervices. Et
fait aſſavoir qe ordre de ley ne ſuffre mie qe finale
accorde ſoit leve en la courte le Roi ſaunz brief original
& ceo a tote le meins devant quatre Juſtices
en Baunk ou en Eire & nounpas aillours et en preſence
des parties nomez en le brief qe ſont de
pleine age & de bone memorie & hors du priſone.
Et ſi femme covert de Baroun ſoit une des parties
donqe covient qele ſoit primerement confeſſe des
quatre Juſtices avantditz Et ſi ele ne ſent la fine
ne ſe levera mye Et la cauſe pur quoi tiele ſolempnite
doit eſtre faite en cele fine qe fine eſt ſi
haute bare & de ſi graunt force & de fi puiſſaunt
nature en foi qel forclos nemye ſoulement ceux qi
ſount parties & prives a la fine & lour heirs mes
touz auters gentz du monde qe ſount de plein age
hors du priſone de bone memorie & dedeinz les
quaters meers le jour de la fine leve fils ne mettrount
lour clayme de lour accion ſur la pie dedeinz
lan & le jour.
