A.D. 1288. | Anno decimo ſeptimo Edwardi I. | C. 5–8. | 121 |
TEM qe nul pardoun de la ſeute de noſtre pees
pur mort de homme ne a autre felonie ne tuicion
pur celui qi ſerra des tieux felonies rette ou
endite ne ſoit fait ne graunte deſore par notre Juſtice
dIrlaund ſur ſeales de noſtre feal iloeqs ſantz eſpecial
commaundment de nous meiſmes deſouz aſcuns de
noz ſeals dEngleterre ſauve qe noſtre dite jJſtice &
noſtre Chaunceller dIrlaund ove laviſement de noſtre
Counſeil dlrlaund puiſſent faire pardon des felonies
faites devant la date de ceſtes ſolunc ce qe pur noſtre
honur &c profit & pees & tranquilite de noſtre poeple
illoeqs veient qe fait a faire & ſolom le commaundement
qils evount de nous Iſſint totes voies
qe des felonies qe ſe ferount deſore nul pardoun ſe
face ne tuicion ſoit grauntie ſanz eſpecial commandement
de nous meiſmes ſi com deſus eſt dit.
TEM qe nul brief original pledable a la commune
lei ne ſoit reſceu par nul de noz miniſtres
forſqe briefs ſeale deſouz noſtre grant Seal dIrlaund
ne nul proces fait par autre brief ſauve qe par
noſtre Seal de noſtre Efcheqer dIrlaund des choſes
tochantz cele place ſoit fait auſſi come doit eſtre
fait de reſon & ſolonc ceo qe cea en arers ad eſte
acuſtumee.
TEM qe noſtre Juſtice de la dite terre par ſes
briefs ou lettres ne targe ne ajorne aſſiſe de No-Vele
dſſfeiſine devaunt lui forſqe en le conte ou il
ſerra preſent & tancome il demorra en meiſme le
conte. En teſmoignaunce de quele choſe nous
avoms fait faire ceſtes noz lettres overtes. Don a
Notingham le xxiv. jour de Novembr’ Ian de noſtre
regne dis ſeptiſme.