| 120 | Cap. 1–4. | Anno decimo ſeptimo Edwardi I. | A. D. 1288. |
Rimerement qe la Juſtice dlrlaund ne nul autre
noſtre miniſtre en cele terre tancom ils ſount
en nos offices illoeqs ne purchacent terre ne tenement
dedeinz les liſtes ou boundes de lour baillies
ſaunz noſtre congie eſpeciale & ſi nul face le contraire
ceo qil avera purchace ſoit encoru & forfait a
nous & noz heirs ſauve as chiefs ſeignurages de fee
ſervices dues & accuſtumez de terres & tenementes
iſſint encuruz & forfaitz a nouz.
TEM qe noſtre Juſtice dIrlaund ne nul de noz
autres miniſtres iloeqs par colour de lour offices
ne preignent vitailles ne autres choſes de nuli contre
ſon gre horpris en cas de neceſſite pur le comun
profit de la terre & adunqs qe ceo ce face par lavis
& laſſent de plus grantz de noſtre counſeil celes parties
& par bref ne noſtre Chancellerie dIrlaund &
en cas qe nous ou noz heirs les commanderoms par
brief de noſtre Chauncellerie dEngleterre ou par
noz autres lettres.
TEM qe noſtre dite Juſtice ne nul de noz autres
miniſtres iloeqs par colour de lour office ne
areſtent nyefs ne autres biens des eſtraunges ne des
privez mez qe touz marchaunz & autres puiſſent
carier bledz & autres vitailles & marchandiſes hors
de noſtre terre dIrlaund jeſqs en noſtre roialme
dEngleterre & en noſtre terre de Gales horpris en
les cas ſuſditz feſauntz les cuſtumes dues & uſeez
iſſint totes voies qil facent covenable ſeurte qil ne
irrount ne ne communerent od noz enemis de Scoce
ne noz autres enemis ſi nul ſuiffent. Et ſi nul Juſtice
ou autre miniſtre face le contrair des choſes
ſuſdites & de ceo ſoit atteint face gre au pleintif de
ſes damages a double & jademeyns ſoit grevement
puni devers nous.
Tem pur le ſeal noſtre Juſtice dIrlaund de cheſcune
bille de grace quater deniers & pur leſctipture
de cheſcune bille deux deners deſore ſoient pris
& paiez & nient plus.
