luy liverez ou ſon aſſigne tele ſeiſine qil puiſſe porter bref de Novele diſſeiſine ſil ſeit engete e 6e redeſeiſine auxi ſi cum de frank tenement a tenir a lui e a ſes aſſignez taunt qe la dette ſait paiee e apres la dette levee e paee ſeit le cors al dettur delivere ove ſa terre. E en le bref qe le chaunceler enverra ſeit mencion fet qe le viicunte certifie les juſtices del un baunc ou del autre coment il avera furni le comaundement le rey a un certein jour a quel jour le marchaunt ſi ſun gre ne ſoit fet ſue devaunt les Juſtices e ſi le Viſcunte ne returne nul bref ou returne qe le bref vint tro tart ou qil ad maunde al baillifs de la fraunchiſe ſi facent les juſtices ſolom ceo qil eſt contenu en le drein fſatut de Weſtmr’. E ſi par cas le Viſcunte maunde qe le dettur neſt pas trove ou ſeit clerk ſi eit le marchaunt bref a tuz les Viſcuntes ou il avera terre qil lui liverent tuz les chateus e les tenemenz al dettur par refnable eſtent a tenir a luy e a fes aſſignez en la furme qe eſt avauntdite e ja le plus tart eit bref a quel Viſcunte qil vodra deprendre ſon cors ſil eſt ley e tenir en la furme avauntdite. E bien ſe garde le gardein de la priſun qil luy covendra reſpundre del cors ou de la dette. E apres ceo qe les terres al detter ferrunt livereez al marchaunt bien lirra au dettur ſa terre vendre iſſint qe le marchaunt neit damage de ſes approvemenz e ſauvez ſeient touz jours al marchaunt damages e cheſcunz cuſtagez neceſſaires e reſunnables en travails ſutes delaies e en deſpenſes. E ſi le dettur truiſſe plegges qi ſe conoiſſent eſtre principals detturs apres le jour paſſe ſeit fet des plegges en totes choſes cum eſt dit del principal dettur quant a cors prendre e terres liverer e autres choſes. E quant les terres al detturs ſerrunt liverez as marchauntz ſi eit ſeiſine de totes les terres qe furent en le main le dettur le jour qe la conoiſſaunce fu fete en qi mein qe eles ſerrunt apres devenuz ou par feffement ou per autre manere. E apres la dette paie les terres iſſuz del dettur par feſſement returnent auxibien arere al feffe cum les autres terres as detturs. Eſt le dettur ou plegge moerge point neit le marchaunt recoverir a prendre le cors le eir mes a ſes terres cum avaunt eſt dit ſil eſt de age ou quant il ſerra de age. E ſeit purveu un ſeel qi ſerve as feires e ceo ſeel ſerra envoie a cheſcune feire deſuz le ſeel le rey par un clerk jure e par le gardein de la ſeire. E par la communaute des marchaunz ſeient eſlus deus leus marchaunz de la cite de Lundres qil facent le ferment e devaunt eus ſeit le ſeel overt e la une peece ſeit bailie as avauntdiz marchaunz e lautre demoerge vers le clerk e devaunt eux ou le un des marchaunz ſi amdeus ni poent eſtre ſeient les conoiſſaunces fetes cum devaunt eſt dit. E avaunt ceo qe nul reconoſſaunce ſeit enroullee ſeit la peine del ſtatut apertiement leu devaunt le dettur iſſint qil ne puiſſe autrefoiz dire qe lom li met autre peine qe icele au quele il ſe obliga. E a ſuſtentr les cuſtages del avauntdit clerk ſi prendra le
rey de cheſcune livre un den’ en cheſcune vile ou
