| 116 | Stat .3 | Anno decimo tertio Edwardi I. | A.D. 1285. |
de ſun regne troizime fiſt reciter lavauntdit ſtatut ſet a Acton Burnell e pur declarer aquns articles de ſun ſtatut avauntdit ad ordine e eſtabli qe marchaunt qi veut eſtre ſeure de ſa dette face venir ſun dettur devaunt le meyre de[1] Appelby ou devaunte autre chief gardeyn de vile ou de autre bone vile ou le rey ordinera e devaunt le meire, ou chief gardein ou autre prodhome a ceo eſleu e jure quaunt meire ou chief gardeyn ne poet entendre e devaunt un des clers qi le rey a ceo atornera quaunt ambodeus ne poent entendre conuſſe la dette e jour de la paie e feit la conoiſſaunce enroullee de la main del un des clers avauntdiz qi ſerra conue e le roule duble dunt le un demorge vers le meire ou chief gardein e lautre vers le clerk qi a ceo primes ſerra nome e oſtre ceo un des avauntdiz clers de ſa main face le eſcrit de obligacion a quel eſcrit ſeit mis le ſeel del dettur ove le ſeel le rey qe a ceo eſt purveu le quel ſeel ſerra de deus pieces dunt la greignour piece demoera en la garde le meire ou chief gardein e lautre piece en la main le clerk avauntdit. E ſi le dettur ne rende al jour qe lui eſt aſſis ſi veigne le marchaunt al meyre e al clerk ove ſa lettre de obligacion e ſi trove ſeit par roule ou par lettre qe la dette fuſt conue e le jour aſſis ſeit paſſe ſi face le meyre ou chief gardeyn prendre le cors al dettur ſil eſt lay quel heure qe il ſeit trove en ſon poer e liverer a la priſon de la vile ſi priſon y ſeit e la demoerge a ſes cuſtages propres deſqe ataunt qil eit fet gre de la dette. E comaunde eſt qe le gardein de la priſon de la vile le reteigne par la livere del meyre ou le gardeyn e ſil ne le voille receivre ſi reſpoigne meintenant le gardein de la priſon de la dette ſil eit de qei e ſil nad de qei cy reſpoigne celui qi la priſon luy bailla a garder. E ſi le dettur ne poet eſtre trove en le poer del meyre ou chief gardein dunqe maunde le meyre ou chief gardein deſuz le ſeel le rey avauntdit al chaunceler la conoſſaunce fete de la dette e le chaunceler envoie bref al viſcunte en qi baillie le dettur ſerra trove qil preigne ſon cors ſil eſt lay e en ſave priſon le garde deſqe ataunt qil eit ſet gre de la dette e dedenz un quarter del an apres ceo qe il ſerra pris eit ſes chateus e ſes terres delivres iſſint qe par les ſoens puiſſe lever e paier la dette e biert luy liſt dedenz le quarter terre & tenement vender pur ſes dettes aquifer e ſa vente ſerra ferme & eſtable. E ſil ne face gre dedenz le quarter paſſe ſeient liverez au marchaunt tutz les biens del detter e totes ſes terres par reſnable eſtent a tenir deſqe ataunt qe la dette pleinement ſerra levee e ja le plus tart le cors demoerge en priſon cum avaunt eſt dit e le marchaunt luy truiſſe pain e ewe e eit le marchaunt en ceuls tenemenz a
- ↑ Londres. 'Cotton MS.
