| A. D. 1285. | Anno decimo tertio Edwardi I. | Stat 3. | 115 |
par an. E en cheſcun hundred e fraunchiſe ſeyent eleus deus coneſtables a fere la veu des armes e les coneſtables avauntdiz preſentent devaunt les justices aſſignez quaunt il vendrunt en pays les defautez qil averount trovez de armere e de ſuites de veilles e de cheminz E preſentent auſi de genz qi herbergent genz eſtraunges en viles de uppelaund pur queus il ne volent reſpundre e les Juſtices aſſignez en cheſcun parlement repreſentent au rey e le rey ſur ceo en fra remedie. E bien ſe gardent deſoremes viſcuntes baillifs de fraunchifes e de hors greignurs ou maindres qi baillie ou foreſterie unt en fee ou en autre manere qil ſiwent le cri ove le pays E ſolum ceo qil ſunt eient chevaus e armeure a ceo fere E ſi nul ſeit qi ne le face ſeient les defautes preſentez par les coneſtables as Juſticez aſſignez e puis apres par eus au rey cum avaunt eſt dit. E comaunde le rey e defend qe feire ne marche deſoremes ne ſeient tenuz en cimeter pur honur de ſeint egliſe. Done a Wynceſtre le utiſme jour de Octobr' le an du regne le rey trezime.
The Statute of MERCHANTS, made at Weſtminſter Anno 13 Edw. I. Stat. 3. and Anno Dom. 1285.
UR ceo qe marchaunz qi avaunt ces hures
unt preſt lur aver a divers genz ſunt cheuz en
poverte pur ceo qe il ni avoit pas ſi redde ley
purvewe par la quele il poeient lur dettes haſtevement
recovrir au jour aſſis de paye e par cele encheſon
ſunt mult des marchaunz ſuſtrez de venir en
ceſte terre ove lur marchaundiſes a damage des marchaunz
e de tut le reaume le rey par luy e par ſun
counſeil a ſun parlement qe il tint a Acton Burnell
apres la ſeint Michell le an de ſun regne uzime fiſt e
ordina eſtabliſſement ſur ceo a remedie des marchaunz
le quel ordeinement e eſtabliffement le rey
comaunda qe tenuz fuiſſent e fermement gardez
en tut ſun reaume dunt marchaunz unt eu remedie
e a mains meſchief e travail unt recovre lur
dettes qe avaunt ne ſoleient. Mes pur ceo qe
marchaunz puys ſe pleindrent al rey qe Viſcuntes
qui malement enterpreterent ſun ſtatut e aconefei
par malice e par mal enterpreteiſon delaerent lexecucion
del ſtatut a graunt damage des marchaunz
Je rey a ſun parlement a Weſtm' apres Paſk lan
