ove les fraunchiſes qe ſunt dedeins le preceynt de meiſme la hundred refpoignent de roberie fete. E ſi la roberie ſeit fete en deviſes dedenz hundrez reſpoignent ambedeus les hundrez enſemblement ove les fraunchiſes e plus long terme ne avera le pais apres la roberie e felonie fete qe xl. jours dedenz les quels il covendra qil facent gre de la roberie e du mefet ou qil reſpoignent de cors de mefeſurs.
Pur ceo que le Rey ne voet pas qe gent ſodeinnement
ſeient eſpoveri de ceſte peyne qe ſemblereit
dure a aucune gent graunte qe le ne ſeit mie
meintenaunt encorue mes preigne la peyne reſpit
deqes a la Paſke procheine venaunt e dedenz cel
terme verra le rey coment le pais ſe portera e ſi ceſſerunt
teles roberies e felonies. Apres quel terme
tuz ſeient certeinz qe lavaundite payne curra generaument
ceo eſt aſaver qe cheſcun vile ceo eſt aſaver
genz el pais demoraunz reſpoignent des roberies
e felonies fetes en lur pais.
A plus ſeurer le pais ad le rey comaunde qe en
les graunz viles qe ſunt cloſes les portes ſeient
fermes del ſolail reſcuſe deqes au ſolail levaunt e quel
nul home ne herberge en ſuburbe ne enforein chiefs
de la vile ſi de jour noun ne uncore de jour ſi le
hoſte ne voille pur lui reſpundre. E les baillifs de
viles cheſcune ſemeine ou ameins quinzeime facent
enqueſtes de genz herbergez en ſuburbes ou enforeines
chefs de viles. E ſil trovent nul herbergour
qe reſceive ou herberge en autre manere gent dunt
ſuſpeciun ſeit qil ſoient gent countre la pes ſi en
facent les baillifs dreiture. E deſoremes eſt comaunde
qe veylles ſoient fetes iſſi cum auncienemenz
ſoleyent eſtre ceo eſt aſaver del jour de la
Aſcenciun deqes le jour ſeint Michel en cheſcun
cite ſis homes en cheſcune porte en cheſcun burgh
par xii. homes en cheſcune vile en terre par vi.
homes ou iiij. ſolom numbre des genz qi enhabitent
e facent la veille continuelment tute la nuit del ſolail
reſcuſſe jeqes al ſolail levaunt. E ſi nul eſtraunge paſſe par eus ſeit areſtu jeqes au matin e
ſi nule ſuſpeciun ne ſeit trove aille quites. E ſi
om trove ſuſpeciun ſeit livere al viſcunte maintenaunt
e ſaunz daunger le receive e ſauvement le
garde jeqes ataunt qe en due manere ſeit delivre.
E ſi eus ne ſe ſoeffrent pas eſtre areſteuz ſeit heu
e cri leve ſur eus e ceus qi funt la veille les ſiwent o