| 112 | Stat. 2. | Anno decimo tertio Edwardi I. | AD.1285 |
STATUTUM WYNTON, A° 13 Ed.L
UR ceo qe de jour en jour roberies [felonies]
homicides arſines plus ſovenerement runt fetes
qe avaunt ne ſoleyent e felones ne pount eſtre
ateintz par ſerment de jururs qi plus volunters ſufferent
felonies fetes as eſtraunges genz paſſer ſaunz
peynes qe enditer meffeſſours dunt graunt parties
ſunt gent de meſmes la pais ou ameyns ſi les feſſours
ſont doutre pais lour recetturs ſunt del viſne e ceo
ſunt ils pur taunt qe ſerment neſt mie hore ditte as
jururs ne au pays ou les felonies furent fetes quant
a reſtitucion des damages payne avant ne fu purveu
pur lur concelement e lur lacheſce noſtre Seignur
le Rey pur abatre le poer de feluns ſi eſtablit peyne
en ceu cas iſſi qe par paour de la peyne plus qe par
paour de ſerement a nuli deforemes ne eſparnient
ne nule felonie ne concelent E comand que ſolempnement
ſeit la criee fate en tuz cuntees hundrez
marchez feyres e tuz autres leues ou ſolempne aſſemble
des gentz ſera iſſi qe nul par ignoraunce ſe
puſſe eſcuſer qe cheſcun pays iſſi deforemes ſeit
garde qe meintenant apres roberies e felonies fetes
ſeit fete ſi freſche ſute de ville en ville & de pays en
pays.
CAP. II.
T enqueſtes enſement ſeient fetes ſi meſter eſt
en viles par celui qi ſoverein eſt de la vilee
pus en hundrez e en fraunchiſes e en cunteez e autrefois
en deux trois ou en quatre cunteez en cas
quaunt felonies ſerunt fetes en marche de cuntez
iſſi qe mefeſours puſent eſtre ateinz. E ſi le pais
de tels manere de mefeſours ne reſpoigne la payne
ſerra tiel qe cheſcun pays ceſt aſaver genz en pais
demoraunz reſpoignent de roberies fetes e de damages
iſſi qe tut le hundred ou la roberie ſerra fete
