Urveu eſt enſement qe ſi homme emplede en
la Citee de Loundres vouche forein a garant
le Meir & les Baillifs ajournent les parties
devant Juſtices de Baunk a certein jour & envoient
la lour recorde & les Juſtices facent fomondre le
garrant devaunt eux & pledent le garantie & le
deir & les Baillifs endementers furfefent a la parole
qeſt devaunt eu per brief jefqes a taunt qe la
parole de la garantie ſoit termine devaunt Juſtices
du Baunk & quaunt la parole ſerra termine au
Baunk ſerra dit al garant qil voiſt en la Citee & reſpoigne
du chief plee.
E le demandaunt per ſa ſuite eit brief des Juſtices du Baunk a Meir & as Baillifs qils voiſent avaunt en la plee.
Et ſi le demandaunt recovere veigne le tenant as Juſtices du Baunk & eit brief al Mier & as Baillifs qe ſi le tenant eit fa terre perdu qils facent eſtendre la terre & retournent leſtent au Baunk a certein jour apres foit mande a Viſcounte du pais ou le garant feuſt fomons qil face aver de la terre du garant a la vaillaunce.
Et fil avient qe le tenant face defaute al jour qe lui eſt done al Baunk donqes iſtra brief des Juſtices du Baunk au Meir & as Baillifs de prendre le tenement demande en le meyn le Roi per le petit cape & de ſomondre le tenant qil foit al Huſting au certein jour dount les Juſtices ſerront aviſez a rendre jugement de eel defaute fil ne la puiſſe ſauver.
Et ſi la puiſſe ſauver, adonqes ſoient les Juſtices de ceo certifiez per lour record.
Et les Juſtices per lour record pledent la garantie.
Memorand’ quod iſte articulus in forma predicta confignatus fuitfubmagno ſigillo Domini E. R. fil.
