| AD. 1278 | Anno sexto Edwardi I. | C 1–3 | A. D. 1278. |
Ex Rot. in Turr. Lond.
CUM avaunt ces houres damages ne fussent agardez en assise de novele disseisine fors tauntsoulement vers les disseisisurs [disseisours] purveu est qe si les disseissisours alienent les tenemenz e neient dunt les damages pussent estre levez qe ceus en qi mains icels tenemenz devendrunt seient charge des damages issi qe chescun respoigne de son tens. Parveu est ensement qe le dsfeisi recovre damage en bref de Entre sur novele disseisine vers celui qi est trove tenaunt apres le deseifur. Purveu est ensement qe la ou en avaunt ces houres damages ne furent agardez en pie de mort de auncestre fors en cas la ou tenement fu recovere vers le chief seignour qe desoremes damages seient agardez en touz cas ou en recovre par assise de mort de auncestre si com est avauntdit en assise de novele disseisine en mesme la manere recovre lem damages par bref de Cosinage Ael e del Besael.
[Et lou avant ces heurex damages ne furent taxez fors a la value del issue de la terre qe le demandant print & poet prendre desormes recover vers le tenant les coustages de son brief purchase ensemblement ove lez damages avantditz Et tout ceo soit tenu en tout cas ou homme recover damages.]
II. E seit desoremes en mesme la manere chescun tenu a rendre damages la ou om recovre vers lui de sa entrusiun ou de sun set demeisne.
E Si enfaunt dedenz age seit tenu hors de sun heritage
apres la mort fun Cusin Ael ou Besael
par que il conveigne qe il purchase bref e sun adversaire
veigne en Curt e enresponaunt allegge feffement
ou autre chose die par quei Justices agardent
enqueste la ou enqueste fu delae desque al age si
passe ore lenqueste ausi cumil fu de age.
E Stabli est ensement qe si home aliene tenement
qil tient par lei de Engleterre sun fiz ne seit
pas barre par le fet sun pere par qi nul heritage ne
lui est descendu a demander e recovrer par bref de
mort de auncestre la seisine sa mere tut face la
chaitre sun pere mentiun qe lui e ses heirs seient
tenuz a la garauntie. E si heritage lui seit descendu
par sun pere dunqes seit il forclos de la value del
heritage qe lui est descendu. E fin en tens apres
heritage lui descent par mesme le pere dunqe avera
le tenaunt vers lui recoverer de la seisine sa mere
par bref de jugement qe istra des roules des Justices
devaunt les quels le plai fu pleide e resomoundre
sun garaunt si cum ad este fet en autre cas ou le
garaunt vint en curt e dist qe rien ne lui est descen-
