Page:Ronsard - Les Amours, 1553.djvu/78

de son honneur. Elle grandement courroucée, en fit le raport a Juppiter: qui pour le commencement eut soupson, que sa femme eut controuvé cela, a cause de la haine qu’elle portoit a tous ceus qu’il avoit engendrés d’autre que d’elle. Parquoi voulut par certaine expérience en savoir la vérité. Si print une nuée, de laquelle il fit une image moult ressemblante a Junon, & la mit en la chambre ou Ixion souloit se retirer. Lequel pensant au vrai de cette image, que ce fut Junon, acomplit son desordonné vouloir avec elle: & dit on que dela naquirent les Centaures, qui furent a demi hommes, a demi chevaus. A cette cause Juppiter, ne le pouvant faire mourir (parce qu’il avoit mangé de l’Ambrosie) l’envoia tout vif aus enfers, & le fit par les mains, & par les piés atacher a une roue, qui tourne perpetuellement : ou il est encor, criant aus hommes, qu’ils aprenent par son exemple, a ne rendre pas mal pour bien, ains a rendre la pareille a ceus qui leur auront fait plaisir. Voi Didyme tout a la fin du vintuniéme de l’Odyssée, & Pindare en l’Ode secondé des Pythies. Et Tantale.) On raconte diverses choses de Tantale. Les uns disent, qu’il fut admis au banquet des dieus, & qu’il déroba du Nectar, & de l’Ambrosie, pour en donner aus hommes qui avoient coutume de banqueter avecques lui. Cela raconte Pindarc aus Olympies. Les autres, comme Euripide, qu’il revela les secrets des dieus aus homes. D'autres encor, comme un des interprètes de Pindare, qu’on lui avoit donné en garde un chien, qui étoit commis a la garde du temple de Juppiter en Candie, & en avoit esté dérobé, & que quand Juppiter l’envoia quérir par Mercure, il lui dit, qu’il ne l’avoit pas. On dit aussi, que voulant fetoier les dieus, il detrencha par pièces un sien fils nommé Pelops, & l’aiant fait cuire leur en voulut faire menger. Aussi grande est la variété des sentences, quant a la peine qu’il soufre. Les uns disent, que Juppiter l’acabla d’une