Page:Ronsard - Le Bocage, 1554.djvu/93

D’atenter, plus que lui, quelque entrepriſe grande.
Ce q tu quiers du Roi, Maigni, n’eſt pas grăd cas,
Et de l’auoir bien teſt, encores tu n’as pas
Du tout perdu l’eſpoir, pource pren bon courage,
Tu n’as garde de fondre au meillieu de l’orage
Puis que tu as en lieu du bel aſtre beſſon.
Des Spartains, la faueur de ton grand d’Auanſon
Qui ia pousse ta nef ſur la riue deſerte,
Pour y payer tes veus à Glauque & Melicerte.

Ode, où ſonge, a François de Reuergat.

Dv malheur de receuoir
Vn eſtranger ſans avoir
De lui quelque connoiſſance,
Tu as fait l’experiance
Menelas, ayant receu
Paris dont tu fus deceu :
Et moi ie la viens de faire,
Sot, qui ay voulu retraire
Tout ſoudain vn eſtranger
Dans ma chambre, & le loger.
ll estoit minuit, & l’Ourſe
De ſon char tournoit la courſe,
Entre les mains du Bouuier :
Quand le Somme vint lier
D’vne cheiſne mieliere
Mes yeus clos ſous la paupiere.
Ia, ie dormois dans mon lit
Lors que i’entroüy le bruit