Lors que ta mere estoit prešte a geſir de toi,
si Iupiter des Dieus & des hommes le roi
Lui euṥt iuré ces mots : l’enfant dont tu es pleine,
Sera tant qu’il viura ſans douleur ou ſans peine,
Et touſiours lui viendront les biens ſans y ſonger,
Tu dirois a bon droit Iupiter menſonger.
Mais puis que tu es né, ainſi que tous nous ſommes,
A la condition des miſerables hommes,
Pour auoir en partage ennuis, ſoucis, trauaus,
Douleurs, triṥteſſes ſoins, tormans, peines, & maus,
il faut baiſſer le dôs, & porter la fortune
Qui vient ſans nul égard à tous hommes commune :
Ce que facilement, patient tu feras
Quand quelquefois le iour, en ton cœur penſeras
Que tu n’es q pur hõme, & qu’on ne voit au monde
Choſe qui plus que l’homme en miſeres abonde,
Qui plus soudain s’éleue, & qui plus ſoudain ſoit
Tombé quand il eſt haut : & certes a bon droit,
Car il n’a point de force, & ſi touſjours demande