Page:Ronsard - Le Bocage, 1554.djvu/44

Loin, par trois fois, & par troisfois reuint,
A la parfin plus afreuſe, me print
La gauche main, & foulant ma poitrine
Me dit ces mots tous remplis de doctrine
Mon cher enfant par le congé de Dieu
Ie ſuis d’enhaut deſcendüe en ce lieu
Pour t’enſeigner quel chemin tu dois ſuiure
En ce bas monde, & comme tu dois viure,
Comme tu dois plein d’amour e de foi
Venir un jour au ciel auecques moi.
Premierement crain Dieu ſur toute choſe,
Aye toujours dedans ton ame encloſe,
Sa saincte loi, & touiours IESVCHRIT
Nostre Sauueur, en ton cœur ſoit ecrit.
Apres, mon fis, autant comme toimeſme
Ardentement aime ton cher proëme,
Car Dieu le veut, & ne te ry de lui,
Si par malheur, lui ſuruient quelque ennui.
D’un serment vain le nom de Dieu ne iure,
Fuy le larcin, abſtien toi de luxure,
Ne ſoi meurdrier, ne ſoi point glorieus,
Sois humble a tous, porte honneur au plus vieus,
En jugement pour gain, ou pour dommage,
Ou pour ranceur, ne di faus temoinage.
Ne ſoie point d’auarice entaché,
Fui les gloutons, fui du vin le peché,
Ne ſoi menteur, n’vſe de flaterie,
N’vſe, malin, d’aucune tromperie
Vers l’Innocent, & ſoie touiours veu
Croire en la foi que tes peres ont creu,