Page:Ronsard - Le Bocage, 1554.djvu/42

Sinon ce qu’il a veu, ne pour Duc ne pour Roi
Ne voulut onc trahir de l’histoire la foi.
Pa. De quel eſtat fut il. PR. de gouverner les Prîces,
Et ſage Ambaſſadeur aus éstranges Provinces,
A l’honneur de ſon maiſtre, obstiné, trauailler,
Et guerier, pour ſon maiſtre obstiné, batailler,
Pa. Pour auoir ioint la plume enſemble auec la lance
Qu’eut il, Prestre, di moi pour toute recompenſe,
Pre Ah fiere ingratitude, il eut contre raiſon
La haine de son maiſtre, & ſix mois de priſon.
Pa. E’ quels maiſtres eut il. PR. Philipes, & l’onsieme
Louis Roi des François, & le Roi Charle huitieme:
Vn Duc, & deus grans Rois, mais euſſent il encor
Eſté plus qu’il n’eſtoient riches de gens, & d’or,
Euſſent il effroié le monde de leur trope,
Euſſent ils tenu seuls les brides de l’Europe:
Si fuſſent ils peris, & leur renom fut vain
Sans la vraye faueur de ce noble ecriuain,
Qui vifs, hors du tombeau de la mort les deliure,
Et mieus qu’en leur viuant les fait encore viure.
Or toi quiconque ſois qui t’enqueſtes ainſi,
Si tu n’as plus que faire en ceste egliſe ici
Retourne en ta maiſon, & conte a tes fils, comme
Tu as veu le tombeau du premier Gentilhomme,
Qui d’un cœur vertueus fit a la France voir
Que ceſt honneur de ioindre aus armes le ſçauoir.