Signe de ta faueur, & ne laiſſe outrager
Si miſerablement les tiens, ſans les vanger.
Epitafe de Philipes de Commines. Entreparleurs, le Prestre, & le Passant.
Pa. Quelle est cette déeſſe empreinte en cet iuoire
Qui ſe ront les cheueus, & tord les bras? PRE. L’Histoire
Pa. Et l’autre, qui d’vn œil tristement depité
Lamente à ce tombeau? PRE. la ſimple verité
Pa . Ne git point mort ici le Rommain Titeliue?
Pre Non, mais bien un François dont la memoire viue
Surpaſſe ce Rommain, pour ſçauoir egaler
La verité du fait auec le beau parler.
Pa. Di moi ce cors doüé de tant de Vertus dines?
Pre Philipes fut ſon nom, ſon ſurnom de Commines.
Pa. Fut il pauure, ou s’il fut de baſſe race iſſeu?
Pre Il fut riche, & ſi fut de noble ſang conceu.
Pa. Qu’a til ecrit, di moi? PRE. le perilleus voiage
Que firent les François a Naple’, & l’outrage
Qu’on leur fit a Farnoüe, & des meſmes François
Les combas variés encontre les Anglois,
Et contre les Bretons, & les quereles foles
De nos Princes ſuiuis du Comte de Charoles,
Lors que Mars auila de la France le lôs,
Et que le mont Heri la vit tourner le dôs.
Pa. Fut il preſent au fait, ou bien s’il ouit dire?
Pre Il fut preſent au fait, & n’a voulu recrire
