Page:Ronsard - Le Bocage, 1554.djvu/14

Dont heureux ſe tiendroit vn Roi :
Mais moi contant, qui ne mandie
Des Rois ni biensfaictz ni honneurs,
Aux ſçauans mes vers je dedie
Plus volentiers qu’aux grans Seigneurs.

Car leur faueur n’eſt perdurable,
Et leurs biensfaicts ſont inconstans:
Mais la ſcience venerable
Dure pour iamais, ou long tems.
Puis j’espere qu’en recompenſe,
Paſchal me fera quelquesfois
Immortel par son éloquence,
Qui vault mieux que le bien des Rois.

L'hinne de France.

Sus luc doré, des Muſes le partage,
Et d’Apollon le commun heritage,
De qui la vois d’accord melodieus,
Chante le los des hõmes & des Dieus,
Sus l'honneur mien, il est tans que tu voiſes
Donner plaiſir aus oreilles Françoiſes,
Rompant l’obſcur du paresseus ſeiour,
Pour te montrer aus raions du beau jour.
Tu peus tirer les foreſts de leur place,