Que le vulgaire appelle une largesse.
Plustost perisse honneur, court, et richesse,
Que pour les biens jamais je te relaisse,
Ma douce et belle Déesse.
BELLEAU
Bon jour mon cœur.) Apres avoir caressé sa maistresse
de cent et cent mignardises, il l’asseure qu’on ne luy
reprochera jamais d’avoir le cœur assis en si mauvais
lieu qu’il la vueille absenter, pour quelque bien qui luy
puisse estre presenté, souhaitant plustost la perte,
voire de son honneur, que celle des yeux de s’amie.
Tout est de Manille,
Salve nequitiœ meœ, Neaera,
Mi passercule, mi albe turturille.
CHANSON
Fleur Angevine de quinze ans,
Ton front monstre assez de simplesse :
Mais ton cœur ne cache au dedans
Sinon que malice et finesse,
Celant sous ombre d’amitié
Une jeunette mauvaistié.
Ren-moy
(
s
i
tu as quelque honte)
Mon cœur que
j
e
t’avois donné,
Dont tu ne fais non-plus de conte
Que d’un esclave emprisonné,
T’esjouyssant de sa misere,
Et te plaisant de luy desplaire.