Argument de pleurer pour une qui travaille Sans relasche mon cœur, tant elle est inhumaine. Or si tu ne le fais, je te tromperay bien, Je t’assure, penser, que tu perdras ta place Bien-tost, car je mourray pour abatre ton fort : Puis quand je seray mort, plus ne sentiray rien, (Tu m’auras beau navrer) que ta rigueur me face, Ma dame, ny amour, car rien ne sent un mort. BELLEAU A pas mornes et lents.) Il se plaint que quelque part qu’il aille, il se trouve accompagné d’un penser importun qui le tourmente, puis il dresse sa parole à ce penser, et le prie de luy donner quelque relasche, autrement mourant il prendra vengeance de luy, et laissera en ruine le fort qu’amour a basti dedans son cœur, parce que la mort l’afranchira de telles passions. Pris d’Anacreon.
Pourquoy tournez vous voz yeux
Gracieux,
De moy quand voulez m ’occire ?
Comme si n’aviez pouvoir
Par me voir
D’un seul regard me destruire ?
Las ! vous le faittes afin
Que ma fin
Ne me semblast bien-heureuse,
Si j’allois en perissant
Jouissant
