LA CHARITE 10,1 SONET Calliree parle contre la chasse. Celuy fut ennemy des Deitez puissantes, Et cruel viola de nature les lois, Qui le premier rompit le silence des bois, Et les Nymphes qui sont dans les arbres naissantes : Qui premier de limiers et de meutes pressantes, De piqueurs, de veneurs, de trompes et d’abois Donna par les forests un passetemps aux Rois De la course du sang des bestes innocentes. Je n’aime ny piqueurs, ny filets, ny veneurs, Ny meutes ny forests, la cause de mes peurs : Je doute qu’Arthemis quelque sangler n’appelle Encontre Eurymedon, pour voir ses jours finis, Que le dueil ne me face une Venus nouvelle, Et la mort ne le face un nouvel Adonis. LA CHARITE A la Marguerite et unique perle de France, LA ROYNE DE NAVARRE. Ce jeune Dieu, qui aux plus vieux commande, Qui par le Ciel, qui par la terre court, Voyant un jour les Dames de la Court, Remonte aux cieux, et Venus luy demande : Dy-moy, mon fils, volant de place en place Comme tu fais, sans foy, sans loyauté, r
Page:Ronsard - Œuvres complètes, Garnier, 1923, tome 2.djvu/211
Cette page n’a pas encore été corrigée
