Seme le Liz, ſeme la Roſe,
Seme la Palme & le Laurier,
L'honneur des veinqueurs és batailles
Ie preuoy qu'il vous aimera,
Et employra la meſme dextre
Dont guerrier il aura veincu
L'Eſpagnol & l'Anglois ſuperbe,
A polir des vers qui feront
Voler ſon nom par-ſus la terre,
Imitateur du grand Ceſar
Vaillant & ſçauant tout enſemble,
Qui le iour veſtoit le harnois,
Et en robbe eſcriuoit ſes geſtes.
Eune beauté mais trop outrecuidée
Des preſens de Venus,
Quand tu verras ta peau toute ridée
Et tes cheueux chenus,
Contre le temps & contre toy rebelle
Diras en te tançant,
Que ne penſoy-ie alors que i'eſtoy belle
Ce que ie vay penſant ?
Ou bien pourquoy à mon deſir pareille
Ne ſuis-ie maintenant ?
» La beauté ſemble à la Roſe vermeille
» Qui meurt incontinent.
Voila les vers tragiques & la plainte
Qu'au Ciel tu enuoyras,
