Le texte de cette page a été corrigé et est conforme au fac-similé.
193
DES ODES.
ODE IX.
Ve les formes de toutes choſes
Soient comme dit Platon encloſes
En noſtre ame, & que le ſçauoir
N'eſt ſinon ſe ramenteuoir,
Ie ne le croy, bien que ſa gloire
Me pervuade de le croire.
Car de iour & de nuict depuis
Que ſtudieux du Grec ie ſuis,
Homere deuenu ie fuſſe,
Si ſouuenir ici me peuſſe
D'auoir ſon Roumant entendu,
Ains que mon eſprit deſcendu
Et mon corps fuſſent ioints enſemble.
Mais c'eſt abus l'eſprit reſemble
Au tableau tout neuf où nul trait
N'eſt par le peintre encor protrait,
Et qui retient l'ancre premiere,
Lambin d'Horace la lumiere,
Qui par tes vers pleins de douceurs
As ramené les Muſes Sœurs.
