Le texte de cette page a été corrigé et est conforme au fac-similé.
158
III. LIVRE
A LA ROYNE CATHE-
rine de Medicis, mere
du Roy
ODE II.
Ere des Dieux ancienne
Berecynthe Phrygienne,
A qui cent Preſtres ridez
Font auecques cent Menades
Au ſon du buis des gambades
Sur les hauts ſommets Idez:
Laiſſe laiſſe ta couronne
Que mante tour enuironne,
Et ton myſtere Orgien,
Et plus à ton char n'attache
Tes fiers lions & te cache,
Dans ton Antre Phrygien.
Vne autre mere nouuelle
Vne autre mere Cybelle
Nous eſt tranſmiſe des Cieux,
Qui plus que toy bien-heureuſe
Se voit mere plantureuſe
D'vn petit peuple de Dieux.
Iunon en pompe ſi grande
Ne fend la celeſte bande
Qui lui courbe les genoux,
Quand elle graue matrone
