Page:Ronsard - Œuvres, Buon, 1587, tome 2.djvu/151

Le texte de cette page a été corrigé et est conforme au fac-similé.
151
DES ODES.

Ce furent les Nymphes des eaux:
» Car Bacchus gaſte nos cerueaux,
» Si la Nymphe n'y eſt meſlee.




ODE XXIII.



EScoute du Bellay, ou les Muſes ont peur
De l'enfant de Venus, ou l'aiment de bon cœur,
Et touſiours pas à pas accompagnent ſa trace:
Car celuy qui ne veut les amours deſdaigner,
Toutes à qui mieux-mieux le viennent enſeigner,
Et ſa bouche mielleuſe empliſſent de leur grace.
Mais au braue qui met les amours à deſdain,
Toutes le deſdaignant l'abandonnent ſoudain,
Et plus ne luy font part de leur gentille veine:
Ains Cleion luy defend de ne ſe plus trouuer
En leur danſe, & iamais ne venir abreuuer
Sa bouche non amante en leur belle fonteine.
Certes i'en ſuis teſmoin : car quand ie veux louer
Quelque homme ou quelque Dieu, ſoudain ie ſens nouer
La langue à mon palais, & ma gorge ſe bouche:
Mais quand ie veux d'amour ou eſcrire ou parler,
Ma langue ſe deſnouë, & lors ie ſens couler
Ma chanſon d'elle-meſme aiſement en la bouche.


Fin du ſecond liure.
G iiij