Cette page n’a pas encore été corrigée
BRIEF DISCOURS
QUE L’EXCELLENCE DE LA FEMME SURPASSE
CELLE DE L’HOMME,
AUTANT RECREATIF QUE PLEIN DE BEAUX EXEMPLES.
Nous avons bien souvent à mespris une chose,
Ignorant la vertu qui est en elle enclose,
Faute de rechercher diligemment le pris
Qui pourroit estonner en aprés noz esprits.
Car, comme un coq qui treuve une perle perdue,
Ne sçachant la valeur de la chose incogneue,
Ainsi, ou peu s’en faut, l’homme ignare ne sçait
Quel est entre les deux sexes le plus parfait.
Il me plaist bien de voir des hommes le courage,
Des hommes le sçavoir, le pouvoir ; d’avantage,
Je me plais bien de voir des hommes la grandeur ;
Mais puis, si nous venons à priser la valleur,
