Er a mandat ſos omes lo cons girarz
Tot ꝑ non de bataille uers mouteſ praz
E uent o lui auchers el cons ginarz
Cui fun en alemaine monz beliarz
Aduçent len denz mile deiſi gaillarz
Caiqui no uen uolpis ni om coarz
E nō cuidaz diſ conte ke gaire el taz
Conbatrai ſei a carle ꝑ uer dimarz
Girarz quāt ueit de carle ſi lis comes
Qua fort ꝑprent ſa terre e ſon paies
E ſon mellor caſtel robat e pres
E prent trenta meſſages ꝓz e cortes
E forz muls ambladors e eſpanes
E u ſap bons amis ꝑ es trames
Mandet les caarcins e dagenes
Tos anz e balzenūs e roenges
E baſcōs e iaſcōs de bordeles
E tros caus porz deſpaine un fin n̄ pres
[L]i auar e li baſcle uenunt eſpes
[N]is lo reis daragone le ſeus trames
[S]obre seiſante mile ſunt mais de tres
Or fun de la bataille faiz lor conre⁎s
Mais don girart lo conte ben no cē pres
Car tot a enuers carle iuiar nos es
Girarz qant ueit de carle ſi len tencone
Sobre lui es uēguz aſſa corone
A ꝑ preſent ſa terre ke ſat plus bone
E ꝑ gilbert ſon gendre de taragone
Trames ꝑ aimeri cel de nerbone
Ꝑ raimon berenger de bailcelone
Ꝑ bertran lo leicluent de carcaſone
E ꝑ ginā lo conte de balone
Ꝑ iocel lo gerrer ques auers done
Parent furent girart a la ꝑſone
Per toz aiqueſz lo cons lo reis razone
No len traiſtret paraula gēte ne bone
Por quel de ſobre lui ſe deſpone
Ja anç no ueira dimarz anz ore none
Bataille en aura carles ſaiſe len done
o fun a nouen die au ior pargut
Lor engardes ſencontrēt ſūt comnegut
E des quant ſe conugrent ſūt deſcēdut
E armerent ſei toſt e mot argut
Non cuidaſt del ferir cun ſen refut
Viaz tant aſtes fraidre e tant eſcut
E tant oſbersc fauſar e deſcofut
E tant franc ch’ual’r mort chaagut
Les engardes girart les unt uencu[t]
Co fun au nouen die quāt iorz pare[s]
Aual en la riuere ſoz uerdune[s]
Borgoinō ſe conbatent o les france[s]
Gent deuit ſes eſcales carles lo reis
