Menez boſun lo conte queu gidere
El marcon fulcher cons de brie
Quanque la tert forfait amendere
Per mon cap diſt girarz n̄ la ire
Tros quel mal que me fait car li uedre
Peires uai ſi arberge queu nintere
Le ſeneſchalz me quert e mangere
E leue le matin queu ſi fere
E auges la paraule que te dire
Lo meſſage au rei carle quel mādere
A mei uirez dis aimes menar uos nere
Ꝑ amor deu rei carle tarbergore
Aimes co diſ girarz fai li arberc
Si ferai eu dis el ric e enterc
Non ai dreit en mon feu ſe ꝑ co perc
Lo ſolel uai cochar uers balenberc
E la noit fait temꝑ e ml’t enerc
E aimes men menet ꝑ lo coſderc
De maintes ris deintaz ꝓ me ꝓferc
Que por la uoſtre amor mien ecient
E per ben que las fait e tui parent
E quel feras enquere a ton uiuent
Ben me cōrea aimes a mon talent
Pois coca mei en un leit daur e dargent
E donet me donzele tanent
Quāc nō uiſtes genor ſeu ne uos ment
Fui chaucat e ueſtit au ior paruent
Eu anna au moſter coitadement
La meſſe que lon dis aui e entent
Pois uin a plan au conte a parlement
Tres er uos ſai (part) dire de ſon talent
Q(uant) oi la meſſe oide quen dona deus
Eiſſi fors del monſter e fu toz leus
Trobai girart ceu conte me tos ceſſeus
E dis une paraule qui fu ben leus
Cons n̄ eſtar iraz ne triz ne greus
S(i c)om fait ſarragins o fel ibreus
C[o]ncorde tei a carle ſi taiut deus
Auras de dreit tes terres e tes feus
Peires tan mal mafole lo ſ(ei)ner meus
Quar me part en ſa colpe fait que iudeus
Abanz laurat conprat que uein el meus
Ne que ſie paſſade la ſaint romeus
Veires quel reis maine tant malemēt
De feeltat me gete ſon eſcient
Queu degre chadelar la ſoe gent
E ferir en bataille p̃mirement
E donar en la cambre conſel ualent
Aiſi con firent tuit li mien parent
Mais ſi lo munt tolgut cil ſuen ſeruent
Li culuert lauſenger el recreent
Por queu ne pois auer ſamor neient