Peires diiaz al rei de n͞r͞e part
Que nos li ferō dreit par don girart
Mais que gidar nos face ſenz nul regart
E tendra o lo reis a gant orguel
Des pos conduit demādes queu gidar uuel
No li caut ren tamer ſa mei ſacuel
Ne mais cal ſe ſeie en ſon caduel
E cil qui li conſeillent funt i que fuel
E eu faz plus aſſaz car n̄ men tuel
A iqueſte paraule paſſe lo ſuel
Monte e broce el caual dreit uers un bruel
Ben a furmit meſſage ſuen eſſient
Vait ſen a ſain denis o reis atent
Carles a meſſe oie a ſaint uincent
E pieres en lombree defors deſcent
Larceueſque herueu la meſſe dis
Quāt carles lat oie qūe fun eiſſis
De ſobre un faudeſtol lo reis ſaſis
Entor lui li barō daquel pais
E no ma negun ben uos ueſtis
Nō aie pel de martre u garmer gris
Seinor eſcutaz mei carles lor dis
Anuet ne fu cel ore que an durmis
Ꝑ meillor ch’ual’r que anc conuis
Peirō de mont rabet qe la tramis
Mais ꝑ aiquel ſaint piere qeu requis
Se anc tant fez girarz que li feris
Jamala li ſun uel ueiraínt mō uis
Atant reſpon gauters de mōt ſenis
Qui fu paire perron e ſos amis
Tal uol li des el cap quel ſans eiſſis
Queu cōbate o lui e ſil uos pris
E en uoſtra preiſon girart uos mis
Si que uos li tenges quatorze dis
Eu mos ſai diſt li reis ne fui ꝑuis
Ne aidunc el nō ere mos enemis
E droge de borgaine fun poeſtis
E ſe mais lo tenie ſerie fis
A tart lo tendrez maiſ gauter li dis
Atant peires deſcent e carles ris
E oc con de felon e de gainart
Maudiz ſi el co diſt de ſaint meart
Se la mutat de france tote n̄ art
Del mez que a dedis no preint ſa part
Aiqui mentet diſt carles lei de coart
Car ſeu lo tros de dins ꝑ ſaint liennart
Anc nō at negun lou tant grāt regart
Carles ueit ſon meſſage con es uenguz