Folco a le cor irat e triſte e grev
E es leuaz en pez dun banc o ſev.
Seignor franc cheualer dira⁎ o ev
Car poi aico tien carle tot por iudev
Car at mon don ꝑ fol tant e ꝑ lev
Abanz quel trameſeſt carte ne brev
A ſaizie ſa terre e pres mō fev
Reſpondent li baron top o fes lev
E compara o car co crei en dev
Anz ke ueie paſſar la ſain romev
Peires parla a lei dome ca gant ualor
Non ſenble fol ni fait ni betfador
Folco laiſſe laiſſe la ire e la gramor
Remenbre tei de deu lo redentor
Com qui top eſ iraz n̄ a doucor
Bar mais done girart cōſel mellor
Con ſe concort a carle lemꝑador
Qui feeltat ne garde uers ſon ſeinor
Non a dreit en ſon feu ne en ſaímor
E ſil en uent en cort ai deſonor
Lo cons girart les ot ꝓuerbiar
E comandet lor ſempres a calar
Folco laiſſaz iſ plat mais ui eſtar
Car top eſ lai de gerre a manecar
Aſaz ſera ueuz a chauauiar
Caus la uoura melz faire e adunar
E ſe dex taiut peires pluſ nō parlar
Mais encaz uos de ci ſenpre a ānar
Girart manderez carle nula ren al
Oc aiem eu eel plait general
Aual enca ribere ſoz ſan uidal
E ferai li tot dreit ſe lai fait mal
E mon ſeignor reface mei autetal
Qanz ke dizez diſt peires un nou ne ual
Maudiz ſie mos ſeindre de ſaint marcal
Se citat ne uos tol tro a donal
E no le preizerie enberbegal
Se el ne uos aſſail entrues qual pal
Atant uont montar peires en fon caual
Qant folco li a dis donaz eſtal
Enquere parlerem un petit dal
Giberz de ſeneſgarz e folco ſos fraire
E girarz lor cuiſins qui dels fu maire
Tuit trei ſunt apoiat de ſobre un caire
Toz p̃meranz do folco pres a retraire
Per deu coſins girarz nol fei ben faire
Mais manda ton ſeinor de ton uiaire
Que tu li fras dreit con feſt tos paire
Mais ke gidar te face a ſon repaire
E ſe conduit nos done n̄ taime gaire
Aiſi poz ben ta colpe uers lui deſfaire
Folco apela peiron oent bernart