Car moſet enuair uol len apel
Girarz ke demandez au rei carlon
Eu la mort de mō oncle conte uidelon
E cele de mon paire lo duc droigon
Cauciſt lo dux teuris en ualbeton
De feeltat nos iete mei e boſun
E porprent noſtre ennor per aqueiſon
Sel non me fai tal plai quin ſie bon
De n͞r͞a part li porte defiazon
E peires quant loit ſi ſen ennance
E ſambla li orguel ire e peſance
Felnie e maluaiſtat e maleſtāce
Que mandes ton ſeinor tal deſfiance
Ne ꝑ ke mez tal ret au rei de france
Quel en uolie plait e tota eugance
En ualbeton o ferent lacordance
Quāt de la mort teuric au duc daſcāce
Cauciſt uo͞r͞es cuiſīs bos a ſa lance
Fu uoſtre de la guerre lo comencance
E ſera del damaie la maiornance
Pois li ferez uos dreit tot a balance
Drai o tot don peires de mont rabeih
E ferai o ſemprer mētre ques ueih
Carles me fait gant tort enenleih
Car me mādet mont ſeidre qeu feſe deih
A ſeiſuns o a rains a ſain romeih
Anz q; meſeſt monor en ſon eſpleh
Vne ren pouſt n[o]dar en ſun coreih
Nō aura mais oian iſt rezidreih
Si manues n̄ tenie pꝛs e deſtreih
Ditāt ira diſt peires tot en ſordeih
E peires qant loit a cor gainart.
Cors a denꝑador uis de leupart
E parlet a la guiſe conte bernart
Qui fun del noiriment au rei berart
Vna rien uos dirai diſt el girart
Non facez a la giſe al uiel foucart
A un conte felon de ſaint meart
Qui bauzet treiſ ſeinors e pois lo quart
Cel len rent gueredon qui uent pluſ tart
Qel gecet de ſonor ꝑ dreit eſgart
Ci uei eſtar alcher e dan ginart
Armant lo duc d’ friſe e conte acart
Non i a un tāt prot ne ſi gaillart
Queu no li combates a une part
Que un ne deit lo rei clamar traart
Quel ne ſe penſerie ꝑ negun art
Com qui ant [a ſa] cort de lui ſe gart
E don bos qant [loi]t fun peſancos
Peiſa li de peiron qua[i]ſi deſcos
E iuret damledeu le glorios
Girarz e ſa maiſnade nō es pros