Co que mandera carle enque la dir
Peires tu ten iras a ton ſeinor
A carle el rei de france lemꝑador
De mie part li diges en de amor
Peſe mei car mei tent por ſordeor
Mais qual faire mō paire ſui anceſſor
Queu degra cadelar ſa oſt francor
E portar en bataille ſauria flor
E donar en la cambra conſel meillor
Mais ſi lo mant colgut ſui traitor
Li cuuert el maluaz el bet fador
Per queu n̄ pois auer lui ne ſamor
Ꝑ ce ſen conbatrie ſempre au mellor
Acel qui ſi ſen fait uers lui duotor
Qui fait uers lui de mei lauſengedor
Qant bos ociſt teuric ſon maufaitor
Quel ne parlet a mei ne eu a lor
Ne recet ueu donai caſtel ne tor
Ꝑ quen ſie forfaiz uers mon ſegnor
Ne quel men degeſt toure mas de menor
Si dˉs maiut diſt peires or en eu gaich
Quā tu diz queu a rei tort n̄ aſ faich
Ꝑ que poiſche tonor metre en forfaich
Pos tan ben o diſez annem au plaich
Quaurat lo reis (en fr)ance en iſ mi amich
E ſerunt i ſui conte e ſui abbaich
Qui iugerūt lo dreit e tu o faich
Mala eu diſt girarz ſeu gins la uaich
Ne ſi eu men cōrei entala aich
Tu ſas ben ꝑ quel reis me mes agaich
Anz en ſerūt enquer mil eſcut fraich
Set cent donzel deſ ſelles ꝑ tˉte taich
E ferit ob eſpades tal mil gemainch
Ga ne garunt li elme cap ne caraich
A ueniar mei de carle del tort qūe faich
Peires n̄ pois mutar n̄ ten apel
Quanc carles n̄ ac coite queu n̄ enſel
Tos pimers n̄ annes en ſun cenbel
A aſaut de citat o de caſtel
Nafrat na iſta car e iſte pel
De lance o deſpade o de carel
E ſi eu mi ai dan mon don eſ bel
Car me mande mō ſeidre un plai nouel
Lo feu qui fun mon paire. n̄ conte apel
Car lo me uet tener e lon cadel
Plumar me uout lo reis cō faus auzel
Janz n̄ ueira la feſte ſaint michael
Que eu li moſterai dels tal tropel
Si queram ꝑſei tˉra com louis ainel
Co me direz dun peires carlon martel
Quanc mais noſtret tal buche de ſū mātel
Mar lo ſenpenſet mige ſo franc cufel
