Cuſins germains girart e neſ drogon
Auirez cō il diſt gent ſa razon
E per deu fraire bos dirai o ton
Coniur ten lo ſeignor ki maint el tron
Non loar a girart iſta razon
Qe el nō ant dreit faire ſon dō carlon
Tendrient icil autre a meſpreiſon
Ben leu li tornerient a traiſon
Mais er li aīt dreit faire pos lo ſemon
E li reis lo retiene co(me l)o ſon
Car ſes om ē li meldres de ſa reion
E ſel faire nel uout e diſt que non
E pois nos uait menant ꝑ acheiſon
Eu ten aiuderai ſen ren del ton
Tendrai mil cheualers en ta maiſon
Senz co que ia tē quere prez dū māgon
E girarz reſpondet garnis en ſon
Quā dan bos ſail auant qui diſt q̃ non
Dam bos ſalit en pez a une part
E paraulet lo cons ꝑ ital art
Dirai o tot gilbert de ſeneſgart
Si damledeus taiut ne ſau ne gart
Conſelle melz ꝑ dreit ton don girart
De carle el rei de france aquel gainart
Dugun duc dagiane e de berart
Cui le cuident confundre lui e ginart
E ſi li cons i uait ai grant regart
E gilbers quant loit uai ſe ſeder
Bernarz drecat en pez diz ſō plazer
Eu ꝑ deu faire folco en dirai uer
Eu dere bon conſel qui uouſiſt crer
Com non a en iſt die tan grant poder
Que girarz ne lo poiche maior auer
Que ſel mande ſos omes toz par lezer
Ja n̄ cuit de bataille nuſ om leſper
Ne que oſt en ſa terre a oſt iazer
E ꝑ oc qui creirie iſt men ſaber
Ert moguz a la cort deman au ſer
Car quo pout ſi la gerre far remaner
Q’ iamais n̄ aureiz mot menteuer
Landriz li cons aqel qui tēc niuerz
Fun laiens au conſeil drecat en pez
E parlet a girart cō om ꝑcez
E uos unes tragaz ꝑ quei fazez
Eu cal diſt girarz car o dizez
Eu uolenters diſſil pos uos uolez
Quant a uos mellors omeſ cōſel querez
Nō ſabez o parlaz quāt en partez
Ni o reſte li ſens qui apreinez
Er uos dirai girart cauz uos eſſez
Eu noi derie un eu ſi uos irez
Car co ert ur͞as ꝓs ſi lentendez
