E ſel ꝑ ſon orguel prendre nol deina
Non pinſar pois ſa guerre une ſalmeina
Mais p̃ge danlideu que te meintena
Eu taiudera ſein rein que enpꝛina
Girarz fu en ſa cābre ꝑ conſellar
E feiz ſos mellors omes o lui intrar
Aidunt les p̃s lo cons a coiurar
Mei amic e mei ome e mei par
Sabeſz mei dune rien conſel donar
Carles lo reis me mande que lan dreit far
A rains u a ſeiſōs a ſun eſtar
E mein los mellors omes queu pois menar
Qui oſtagent lo dreit ſe no pois far
Vos lai non ires mige diſt bos lo bar
Per tot aquel conſel q̃ uos ſai dar
Ne per negū cōduit de bachelar
Qer me uint unſ meſages a laueſprar
Aicil partit deu plait de mongimar
Carles lo reis de france nos uuel taar
Far lo li faire armanz cil de biſclar
E ace dauinnū gi de beu clar
Per duc teuri que carles out tan char
Negun ome ne pout om tant amar
Trues que cōs o uiſcōs an ſenepar
O bibes o riſ un ꝑ ben guidar
Ꝑ mon cap diſt girarz fan agardar
Mal aie toz li paſ qui quer ānar
Ai bos co reſpont folco no lo direz
Si ia deus uos aiut ne ſainta fez
Ja a carlon ceſt blaſme no i metez
Car nol ſe penſerie carles lo rez
Por tote aiquele anor quāc agiſſez
Na u͞r͞e don girart (n̄) cōſellez
Que a la cort n̄ ant daqueſte fez
Si girarz uai a cort uol qui annez
Soſtages i couen uos lo facez
E ſi auers i coite uos lo donez
Car ſi girarz a dan uos ſi aurez
E ſi mos do[z] en plore uos nē tirez
Tot lo mellor conſel queu m̄ ſai
Vierement quo diſt folco le uos dirai
Lo reis tendra ſa cort en iſt mimai
E ſeron i ſui ome mellor co ſai
E pos carles nos mande annē en lai
E ſi girarz i uai eu lo ſigrai
Soſtages i couen eu lo ferai
E ſi auers i coite eu li derai
Car ſi girarz a dan eu ſi aurai
E ſi mos donz en plere eu ne rirai
Gilberz de ſenesgarz fiz nodelon
Faire conte boſun e dan focon
E bernart e ſegin de beſencon